YAP Suraxanı rayon təşkilatının nümayəndələri şəhid Osman Manafovun oğlunun doğum günündə ailəsini ziyarət etmişlər

  Suraxanı şəhidləri   İyun 6, 2023   0   403  Oxu siyahısına əlavə edin
YAP Suraxanı rayon təşkilatının nümayəndələri şəhid Osman Manafovun oğlunun doğum günündə ailəsini ziyarət etmişlər

05 iyun Vətən Müharibəsi şəhidi əsgər Manafov Osmanın oğlunun doğum günüdür. Doğum günü ilə əlaqədar Yeni Azərbaycan Partiyasının Suraxanı rayon təşkilatının sədr müavini Salman Əbdülov və təşkilatın nümayəndələri ailəni ziyarət etmiş, qayğıları ilə maraqlanmışlar.

Şəhidin oğlu Natiqin ad günündə qəhrəman vətən övladlarına və onların ailələrinə qayğı göstərməyə cəmiyyətimizin daima borclu olduğunu ifadə edən YAP-ın Suraxanı rayon təşkilatının sədr müavini Salman Əbdülov cənab Ali Baş Komandan İlham Əliyev tərəfindən bütün şəhidlərimiz kimi Manafov Osmanın da xatirəsinin əziz tutulduğunu vurğulamışdır. Yerli təşkilatın sədr müavini Ali rəhbərin Vətən Müharibəsi şəhidlərinə olan diqqətinin hər kəsə nümunə olduğunu bildirmişdir.

Göstərilən diqqət və qayğıya görə şəhidin ailə üzvləri cənab Prezident İlham Əliyevə,  Birinci vitse-prezident çox hörmətli Mehriban xanım Əliyevaya və Yeni Azərbaycan Partiyasına öz dərin minnətdarlıqlarını bildirmişlər.