Azərbaycanın İqtisadi İnkişaf Strategiyası

Elnar Abasova

YAP Suraxanı rayon təşkilatının üzvü

Suraxanı rayonu, 323 saylı körpələr evi- uşaq bağçasının tərbiyəçi-müəllimi

Azərbaycan son 20 ildə əlverişli biznes mühiti sayəsində 350 milyard dollardan çox sərmayə cəlb edərək möhkəm bir iqtisadi təməl yaradıb. Bu gün ölkəmiz 30 illik siyasi və maliyyə sabitliyi, ÜDM-in cəmi 5,6%-ni təşkil edən aşağı xarici borcu və 2017-ci ildən bəri sabit qalan milli valyutası (1 USD = 1,7 AZN) ilə regionun ən etibarlı tərəfdaşlarından biridir.

İndiki mərhələdə əsas hədəfimiz neftdən asılılığı azaltmaq və dayanıqlı inkişaf üçün yeni sahələri işə salmaqdır. Strategiyamızın əsas sütunları aşağıdakılardan ibarətdir. Xəzər dənizinin 157 giqavatlıq nəhəng külək və günəş potensialından istifadə etməklə elektrik istehsalında qaz sərfiyyatını minimuma endirmək və regional yaşıl enerji ixracatçısına çevrilmək.

Şərq-Qərb və Şimal-Cənub nəqliyyat dəhlizlərində fəal iştirak edərək, tranzit yüklərin həcmini cari 16 milyon tondan 2030-cu ilə qədər 25 milyon tona çatdırmaq. Qəbul olunmuş 4 illik Dövlət Proqramı ilə sahəyə yeni layihələr qazandırmaq, həmçinin siyasi-iqtisadi baxımdan Mərkəzi Asiya ailəsinin bir hissəsi kimi mövqeyimizi gücləndirmək. Süni intellekt, regional fiber-optik və elektrik kabel xətlərinin çəkilişi, neft-qaz hasilatının modernləşdirilməsi və su qıtlığına qarşı ərzaq təhlükəsizliyinin təmini.

Azərbaycan həm ənənəvi enerji sahələrində etibarlı tərəfdaş olaraq qalmaqda, həm də gələcəyin texnologiyalarına və yaşıl iqtisadiyyata cəsarətlə addımlamaqdadır. Beynəlxalq investorları bu yeni inkişaf yolunda bizimlə birlikdə addımlamağa dəvət edirik.

Biz etibarlı tərəfdaşıq. 30 il əvvəl imzalanmış neft müqavilələrinə bu günə qədər bir vergül belə dəyişilməyib. Bu, investorlar üçün ən böyük zəmanətdir. Azərbaycan dünyanın ən təhlükəsiz ölkələrindən biridir. 9 iqlim qurşağı, mətbəxi, qonaqpərvərliyi, Formula 1 və UFC kimi tədirləri ilə fərqlənir.

İnsan kapitalı olmadan hədəflərə çatmaq olmaz. 2003-cü ildə gənclərin xaricdə təhsili üçün Dövlət Proqramı başladı. Minlərlə gənc oxuyub geri qayıtdı. 1994-cü ildə neft sənayesində 90% əcnəbi çalışırdısa, indi bu rəqəm cəmi 5%-dir.

Azərbaycanın tarixi. Azərbaycan dünyada ilk neftn çıxarıldığı yerdir – 1846-cı ildə, Pensilvaniyadan da əvvəl. 1918-ci ildə müsəlman dünyasında ilk demokratik respublika burada qurulsa da, 2 ildən sonra müstəqilliyimiz əlimizdən alındı. İkinci Dünya müharibəsində sovet ordusunun yanacağının 80%-ni biz verirdik. 1991-ci ildə müstəqilliyi bərpa edəndə neft sənayesi dağılmışdı, qazı xaricdən alırdıq, torpaqlarımız 30 il işğal altında idi.

Biz torpaqlarımızı güc yolu ilə azad etdik. Bu, tarixdə nadir hadisələrdən biridir. Bu gün isə investorları dəvət edirik ki, gəlib ölkəni öz gözləri ilə görsünlər və bizimlə birlikdə yeni inkişaf yolunda addımlasınlar.