Ulu Öndər Heydər Əliyevin siyasi kursu yerli özünüidarəetmənin inkişafı istiqamətində də uğurla davam etdirilmişdir
08.01.2025-ci il tarixdə Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Suraxanı rayonu Qaraçuxur bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə giriş sözü ilə çıxış edən YAP Suraxanı rayon təşkilatının sədr müavini Salman Əbdülov bildirdi ki, dövlətçilik tarixinə mühüm hadisə kimi daxil olan 1999-cu ilin dekabrında ilk bələdiyyə seçkiləri keçirilib. Ulu Öndər Heydər Əliyevin müəyyən etdiyi siyasi kursun Prezident İlham Əliyev tərəfindən uğurla həyata keçirilməsi nəticəsində dövlətin idarəetmə sistemi daha da təkmilləşdirilmiş, bununla yanaşı yerli özünüidarəetmənin səmərəliliyinin artırılması, bələdiyyələrin səlahiyyət və fəaliyyətinin gücləndirilməsi istiqamətində zəruri tədbirlər davam etdirilmişdir.
Daha sonra çıxış edən Suraxanı rayonu Qaraçuxur bələdiyyəsi üzrə Yeni Azərbaycan Partiyasının (YAP) namizədləri İxtiyar Nəcəfov, Eldar Mirzəliyev və Jalə Qibləliyeva çıxış edərək xüsusi qeyd etmişlər ki, ötən illər ərzində Prezident İlham Əliyevin təşəbbüsü ilə yerli özünüidarəetmə orqanlarına dövlət dəstəyi gücləndirilib, bələdiyyələrin gəlir və xərclərinin tənzimlənməsi, lokal xarakterli layihələrin reallaşması məqsədi ilə hər il dövlət tərəfindən dəstək göstərilib.
08.01.2025-ci il tarixdə eyni zamanda da Suraxanı rayonu Əmircan və Bülbülə bələdiyyələri üzrə Yeni Azərbaycan Partiyasının (YAP) namizədlərinin seçicilərlə səyyar görüşləri keçirilib.
Seçicilərlə səyyar görüşlər Əmircan qəsəbəsi Tofiq Bayram küçəsində namizəd Ellada Bəşirova, Atamoğlan Rzayev küçəsində namizəd Cəmilə Ağayeva və Bülbülə qəsəbəsi İlqar Məmmədov küçəsi ünvanında namizəd Natiq Həsənovun iştirakı ilə keçirilmişdir.
YAP-ın namizədlərinə böyük maraqla müşahidə olunan səyyar görüşlərdə sakinləri maraqlandıran məsələlər müzakirə olunmuşdur.
Görüşlər zamanı seçicilər YAP-ın fəaliyyətini dəstəklədiklərini və bələdiyyə seçkilərində partiyanın namizədlərinə səs verəcəklərini vurğulayıblar.
