Tədbirdə Suraxanı RİH-nin nümayəndəsi Anar Əsədullayev, YAP Suraxanı rayon təşkilatının məsləhətçisi Kürsüm Həsənova və digər qonaqlar iştirak etmişlər. YAP Suraxanı rayon təşkilatının məsləhətçisi Kürsüm Həsənova çıxış edərək şəhidimizin əziz xatirəsini bir daha yad edərək Allahdan rəhmət diləmişdir. Yerli təşkilatın nümayəndəsi torpaqlarımızın azadlığı uğurunda şəhid olan Azərbaycan Ordusunun əsgərlərinin igidlik və şücaətindən bəhs edərək Şanlı Zəfərin heç də asan əldə olunmadığını vurğulamışdır.

Qeyd edək ki, şəhid əsgər Hüseynov İsabala Ceyhun oğlu Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin müvafiq sərəncamları ilə “ Vətən uğrunda ”, “Cəsur döyüşçü”, “Cəbrayılın azad olunmasına görə”, “Qubadlının azad olunmasına görə” və “Laçının azad olunmasına görə” medalları ilə təltif edilmişdir.

Sonda çıxış edən şəhidin anası göstərilən diqqət və qayğıya görə şəhidin ailə üzvləri adından cənab Prezident İlham Əliyevə,  Birinci vitse-prezident çox hörmətli Mehriban xanım Əliyevaya və Yeni Azərbaycan Partiyasına öz dərin minnətdarlıqlarını bildirmişdir.