Şəhid pilot mayor Murad Məmmədovun Fəxri xiyabanda məzarı şəhadətinin ildönümü münasibətilə ziyarət olunub
Noyabrın 30-da Şəhid pilot mayor Məmmədov Murad Yaşar oğlunun şəhadətinin ildönümü münasibətilə Fəxri xiyabanda məzarı ziyarət olunub. YAP Suraxanı Rayon Təşkilatının sədri Vüqar Seyidov, şəhid ailəsinin üzvləri və ictimaiyyət nümayəndələri şəhidin məzarını ziyarət edib, önünə tər güllər düzüb, ruhuna dualar oxunub. Haqq dünyasına qovuşmuş Şəhidimizə Yerli təşkilatın sədri Vüqar Seyidov Allahdan rəhmət diləmiş və doğmalarına təskinlik verərək, belə vətənpərvər oğullarımızla bütün Azərbaycan xalqının fəxr etdiyini bildirmişlər.
Qeyd edək ki, 2021-ci il noyabrın 30-da Dövlət Sərhəd Xidmətinin hərbi helikopteri Xızı rayonu ərazisində yerləşən “Qaraheybət” aviasiya poliqonunda təlim uçuşları yerinə yetirərkən qəzaya uğrayıb, mayor Murad Məmmədov və daha 13 hərbçi şəhid olub.
