3 oktyabr 1993-cü il Azərbaycan dövlətçilik tarixinin mühüm səhifələrindən biridir

Pərvanə Mirzəzadə

YAP Suraxanı rayon təşkilatının fəal üzvü

Suraxanı rayonu, 43 saylı Şəhər Poliklinikasının əməkdaşı

Milli-mənəvi dəyərlərin qorunması, Azərbaycan dilinin, mədəniyyətinin və milli kimliyin inkişaf etdirilməsi bu konsepsiyanın əsas elementlərindən idi. Ulu Öndər Heydər Əliyev Azərbaycan dövlətçiliyinin inkişafını ardıcıl və uzunmüddətli proses kimi nəzərdən keçirirdi. Onun siyasi fəaliyyətində əsas məqsədlərdən biri müstəqil Azərbaycanın gələcək nəsillərə daha güclü dövlət kimi ötürülməsi olmuşdur. 

Heydər Əliyevin prezident seçilməsindən sonra ölkədə siyasi sabitliyin möhkəmləndirilməsi, dövlət idarəçiliyinin təkmilləşdirilməsi, iqtisadi islahatların həyata keçirilməsi, beynəlxalq əlaqələrin genişləndirilməsi və hüquqi dövlət quruculuğunun əsaslarının yaradılması istiqamətində ardıcıl addımlar atıldı. Bu proseslər Azərbaycanın müstəqil dövlət kimi mövqelərinin möhkəmləndirilməsinə yönəlmiş dövlət siyasətinin formalaşmasına xidmət etdi.

Bu gün 3 oktyabr 1993-cü il tarixi Azərbaycan dövlətçilik tarixinin mühüm səhifələrindən biri kimi xatırlanır. Həmin gün xalqın seçimi ilə Heydər Əliyevin prezident seçilməsi müstəqilliyin möhkəmləndirilməsi, dövlət institutlarının inkişaf etdirilməsi və ölkənin qarşısında duran strateji məqsədlərin müəyyənləşdirilməsi baxımından yeni mərhələnin başlanğıcı olmuşdur.

Milli qurtuluş ideyası məhz bu tarixi proseslərin fonunda, yəni 3 oktyabr 1993-cü il tarixində qazanılan siyasi qələbə ilə dövlətçilik, müstəqillik və milli həmrəylik anlayışları ilə sıx bağlı şəkildə formalaşmışdır. Heydər Əliyevin siyasi irsində Azərbaycanın müstəqilliyinin qorunması, dövlətçiliyin möhkəmləndirilməsi və ölkənin davamlı inkişafının təmin edilməsi başlıca istiqamətlərdən biri olmuşdur.

3 oktyabr 1993-cü il Azərbaycanın müasir tarixində mühüm siyasi hadisə olmaqla yanaşı, müstəqil dövlət tariximizin xilas günü kimi dəyərləndirilir.