Suraxanı rayonunda bəşəriyyətin bəlası olan narkomaniya ilə mübarizə mövzusunda maarifləndirici tədbir təşkil olunmuşdur

Gündəlik fəaliyyət Mar 1, 2023 0 262 Oxu siyahısına əlavə edin

Suraxanı rayonunda növbəti dəfə bəşəriyyətin bəlası olan narkomaniya ilə mübarizə mövzusunda maarifləndirici "1 Mart Narkomaniyayla və Narkobizneslə Beynəlxalq Mübarizə Günü və 5 Mart Bədən Tərbiyəsi və İdman Günü münasibəti ilə tədbir 279 nömrəli tam orta təşkil olunmuşdur. Tədbirdə Yeni Azərbaycan Partiyası Suraxanı rayon təşkilatının sədri Vüqar Seyidov, Suraxanı Rayon İcra Hakimiyyətinin başçısının müavini Könül Axundova, Rayon Polis İdarəsinin rəis müavini Surxay Vəliyev, Əməkdar Bədən Tərbiyəsi və İdman Xadimi, əmakdar məşqçi, Olimpiya kateqoriyalı Beynəlxalq dərəcəli hakim Hicran Şərifov, Rayon İcra Hakimiyyətinin, Polis İdarəsinin, Gənclər və İdman Nazirliyinin əməkdaşları, məşhur idmançılar iştirak ediblər.

Tədbirin təşkilində məqsəd, gənclərin sağlam həyat tərzi barədə dünyagörüşünün formalaşdırılması, narkotik vasitələrin, psixotrop maddələrin qanunsuz dövriyyəsinə və narkomanlığa qarşı maarifləndirmənin aparılması olub. Tədbir iştirakçılarına ilk öncə məktəbin idman zalında şagirdlərin təqdimatında idman fəndləri nümayiş olunub, şagirdlər arasında yarışlar keçirilib.

Daha sonra məktəbin akt zalında davam edən tədbiri açıq elan edən məktəbin direktoru Südabə Abdullayeva qonaqları salamladıqdan sonra dövlət himni səsləndirilib və şəhidlərin xatirəsi bir dəqiqəlik sükutla yad edilib.

Narkotiklərin törətdiyi fəsadlardan bəhs edən videoçarx göstərilib və şagirdlərin təqdimatında bu bəlaya düçar olanların acı taleyi ilə bağlı səhnəcik nümayiş olunub.

YAP Suraxanı rayon təşkilatının sədri Vüqar Seyidov çıxış edərək bildirmişdir ki, gənclərin pis vərdişlərə qurşanmamaları üçün cəmiyyətimizdə kifayət qədər imkanlar vardır. Hər kəsə məlumdur ki, insan amili dövlət siyasətinin əsasını təşkil edir. Prezident cənab İlham Əliyev həyata keçirilən siyasətin mərkəzində vətəndaşın dayandığını hər zaman xüsusi vurğulayır. Gənclərin hərtərəfli püxtələşməsi, pis vərdişlərdən uzaqlaşması məqsədilə onlarda idmana, təhsilə, mədəni-kütləvi tədbirlərə, ictimai fəaliyyətə olan marağın artırılması istiqamətində Yeni Azərbaycan Partiyası bir çox ölkə miqyaslı layihələr həyata keçirməkdədir.

Suraxanı Rayon İcra Hakimiyyətinin başçısının müavini Könül Axundova çıxış edərək, rayonda yeniyetmə və gənclərin narkomanlıq və digər zərərli vərdişlərdən qorunması üçün aparılan işlər barədə məlumat verib, gənc nəslin savadlı, vətənpərvər ruhda böyüməsi, sağlam həyat tərzi, zərərli vərdişlərdən uzaq olması üçün görülməli olan işlərdən və qarşıda duran vəzifələrdən danışıb. O, həmçinin “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair Dövlət Proqramı”nın uğurla icra olunduğunu da bildirib.

Suraxanı Rayon Polis İdarəsinin rəis müavini Surxay Vəliyev narkotik asılılığın törətdiyi fəsadlarla bağlı məlumat verib, insan həyatına və sağlamlığına vurduğu zərərlərdən söhbət açıb. Eləcə də narkotik vasitələrin qanunsuz dövriyyəsi ilə məşğul olan şəxslərə qarşı aparılan genişmiqyaslı əməliyyat tədbirləri şagirdlərin diqqətinə çatdırılıb.

Daha sonra Əməkdar Bədən Tərbiyəsi və İdman Xadimi, əmakdar məşqçi, Olimpiya kateqoriyalı Beynəlxalq dərəcəli hakim Hicran Şərifov çıxış edərək bildirib ki, Ölkəmizdə idmana, bədən tərbiyəsinə diqqət ildən-ilə daha da artır. Dövlətimiz tərəfindən idmançılara xüsusi həssaslıqla yanaşma, onların peşəkarlıqlarının artırılmasına göstərilən davamlı qayğı, idmanın maddi-texniki bazasının möhkəmləndirilməsi, Olimpiya İdman komplekslərinin və idman bazalarının yaradılması haqqında qərarlar buna əyani sübutdur.

Tədbirin sonunda xatirə şəkilləri çəkilib.

Daha sonra məktəbin şagirdlərinin təqdimatında narkotik vasitələrdən istifadə və onun yaratdığı fəsadlardan bəhs edən səhnəciklər nümayiş olunmuşdur.