Prezidentimiz İlham Əliyevin Səmərqənd sammitində çıxışının əhəmiyyəti
Validə Həsənova
YAP Suraxanı rayon təşkilatının fəal üzvü
Suraxanı rayon 281 nömrəli tam orta məktəbin müəllimi
Öz qədim tarixi ilə məşhur olan Səmərqənd şəhərində sentyabrın 16-da Şanxay Əməkdaşlıq Təşkilatına üzv ölkələrin Sammitində iştirak edən Prezident İlham Əliyev həm zirvə görüşündə çıxış edib,həm də orada iştirak edən dövlət və hökumət başçıları ilə görüşlər keçirib.
Dövlət başçımız çıxışı zamanı Azərbaycanın reallıqlarını beynəlxalq ictimaiyyətə çatdırararq bir çox mühüm məsələlər barədə ölkəmizin mövqeyini açıq şəkildə bəyan etmişdir. Cənab Prezident çıxışında Azərbaycanın tranzit və nəqliyyat-loqistika imkanlarının davamlı olaraq inkişafı, Şərq-Qərb və Şimal-Cənub nəqliyyat dəhlizlərinin inkişafından danışmışdır. Dövlət başçımız Azərbaycanda hər cür gəmilərin istehsal edildiyi gəmiqayırma sənayesinin inkişafını vurğulayaraq bütün bunların tarixi ənənəyə və təcrübyə əsaslandığını da qeyd etdi. Prezident son illərdə Azərbaycanda min kilometrlərlə avtomobil və dəmir yollarının inşa və təmir edilməsi, işğaldan azad olunmuş Qarabağımızda həyata keçirilən meqalayihələr, yol-nəqliyyat infrasturkturunun inşası və yenidənqurulması barədə beynəlxalq ictimaiyyəti məlumatlandırdı. Bütün bunları ŞƏT üzv ölkələrin iqtisadiyyatı üçün böyük dəstək və beynəlxalq əməkdaşlıq üçün yeni prespektivlər olduğunu vurğuladı.
Cənab prezident bütün beynəlxalq çıxışlarında olduğu kimi bu çıxışında da Qarabağ münaqişəsinin həllinə toxunaraq Zəngəzur dəhlizinin inşa olunmasının tarixi,siyasi və iqtisadi əhəmiyyətindən danışdı. Bu dəhlizin açılması ilə əməkdaş ölkələrin nəqliyyat imkanlarının daha da artıracağını və bu marşurt üzrə yerləşmiş bütün ölkələrə yeni üfüqlərin açılacağını Sammit iştirakçılarının nəzərinə çatdırdı.
Həmçinin dövlət başçımız Ermənistanın 12-14 sentyabr tarixlərində Azərbaycana qarşı törətdiyi genişmiqyaslı hərbi taxribatlar barədə danışdı, bunun iki ölkə arasında münasibətlərin normallaşma prosesinə böyük bir zərbə olduğunu və bütün məsuliyyət Ermənistanın hərbi-siyasi rəhbərliyinin üzərinə düşdüyünü dünya ictimaiyyətinə çatdırdı. O qeyd etdi ki,hər iki ölkənin bir-birinin suverenliyinin,ərazi bütövlüyünün qarşılıqlı tanınmasına əsaslanan sülh müqaviləsi olmalıdır.
Bu gün Azərbaycan bütün beynəlxalq platformada etibarlı tərəfdaş kimi tanınır.Dünya ölkələrinin ölkəmizə,eləcə də dövlətimizin başçısına olan etibarı, etimadı və nüfuzu ildən -ilə daha da artır. Dövlət başçımızın həyata keçirdiyi daxili və xarici siyasətin nəticəsidir ki, Azərbaycana beynəlxalq məkanda hər zaman əməkdaşlıq üçün önəmli tərəfdaş kimi baxılıb. Son otuz il ərzində Azərbaycan beynəlxalqtəşkilatlar çərçivəsində fəal siyasət həyata keçirib və bu gün də davam edir. Məhz bu səbəbdən də Şanxay Əməkdaşlıq Təşkilatı çərçivəsində ölkəmizin əlaqələri getdikcə güclənir və Cənab Prezident İlham Əliyevin uğurlu siyasəti nəticəsində daha da güclənəcək!
