Yeni Media” mövzusunda Şuşa Qlobal Media Forumunun açılış mərasimi keçirilib
Günay Əliyeva
YAP Suraxanı rayon təşkilatının üzvü
Suraxanı rayonu 84 nömrəli tam orta məktəbin müəllimi
Şuşa Azərbaycanın mədəniyyət paytaxtıdır, eyni zamanda, Şuşa bizim Qələbəmizin rəmzidir, sülhün rəmzidir. “Heydər Əliyev İli” çərçivəsində və Azərbaycan Milli Mətbuatının 148 –ci ildönümü ilə bağlı keçirilən forumda 49 ölkədən 150 xarici qonaq ,60 yerli media rəhbəri və nümayəndəsi iştirakı ilə iyulun 21-də “4-cü Sənaye İnqilabı dövründə Yeni Media” mövzusunda Şuşa Qlobal Media Forumunun açılış mərasimi keçirilib. Prezident İlham Əliyev forumda iştirak edərək jurnalistlərin suallarını cavablandırıb.Ölkəmizin başçısı açılış mərasimimdə Şuşanı Azərbaycanın qələbəsinin rəmzi,sülhün rəmzi adlandırıb.Çünki Şuşa azad olunduqdan sonra İkinci Qarabağ müharibəsi başa çatdı.Media forumunda Şuşanın bərpa planından danışıldı.Nadir ,misilsiz məkan olan Şuşada 3 məscidin yenidən qurulduğu , fəal surətdə tarixi ,memarlıq abidələrinin bərpa olunduğu qeyd edilib. 3-4 il ərzində bu şəhər təkcə Azərbaycanın və Qafqazın deyil, dünyanın ən gözəl şəhəri olacaqdır.
İşğal dövründə məqsədli dağıntılara məruz qalan Qarabağın incisi-Şuşada artıq bir neçə beynəlxalq tədbir keçirilibdir. “Xarıbülbül” Beynəlxalq Musiqi Festivalı, Vaqif Poeziya Günləri ,bir neçə beynəlxalq idman tədbiri və 21 iyulda Qlobal Media Forumu. Müstəqil Azərbaycan tarixində ilk dəfə olaraq Şuşada tanınmış jurnalistlərin bir araya toplandığı forumda İlham Əliyev bir daha tarixi həqiqətlərdən danışdı. Ermənilərin əsassız iddialarından, törətdikləri vəhşiliklərdən, normal insan psixikasına sığışmayan nifrətlərinin Azərbaycana vurduğu ziyanları tarixi faktlarla forum iştirkaçılarının diqqətinə çatdırdı.
Bu toplantıların əhəmiyyəti ondan ibarətdir ki, burda toplananlar həqiqətləri öz gözləri ilə görürlər və Azərbaycan həqiqətlərini öz ölkələrinə, ölkə nümayəndələrinə, ictimaiyyətinə çatdıracaqlar. İşğal dövründə qadağan edilmiş zonalarda törədilmiş dağıntılar göz qabağındadır.Bu Azərbaycanın hansı tarixi nəticə əldə etdiyini göstərir.Biz təkcə Ermənistanı məğlub etmədik ,biz erməni faşiziminin belini qırdıq deyə İlham Əliyev Azərbaycanın haqlı mövqeyini media nümayəndələrinin diqqətinə çatdırdı.
Prezident İlham Əliyev çıxışında Azərbaycan mediasının əhəmiyyətini vurğulayan ifadələr səsləndirdi.Bildirdi ki, biz öz həqiqətlərimizi subut etməyə məhkumuq . Çünki bizə qarşı yenə də kampaniyalar davam edir, qələbəmizi həzm edə bilməyən,uğurlarımıza qısqanclıqla yanaşanlara qarşı biz tutarlı real arqumentlərlə cavab verməliyik və veririk.Bunun nəticəsidir ki, bu gün bütün iftiralara , böhtanlara baxmaraq, Azərbaycanın sözü ,Azərbaycan xalqının, dövlətinin haqlı səsi eşidilir və bunun əsas aləti bizim media resurslarımızdır.
Dövlət başçımızdan mühüm mesajlar verilən forum 3 saata yaxın vaxt çərçivəsində keçirildi, aparılan müzakirələrin ölkəmiz üçün müsbət nəticələri olacağına şübhə yoxdur.
.
