YAP Suraxanı rayon təşkilatında azərbaycanlı qol güləşçisi, super ağır çəki dərəcəsində güləşən idmançı Tərxan Müzəffərov ilə görüş keçirilib

14.05.2024-cü il tarixdə YAP Suraxanı rayon təşlkilatının inzibati binasında yerli təşkilatın sədri Vüqar Seyidov Slovakiyada keçirilən 33-cü rəsmi Avropa Çempionatında ölkəmizi layiqli təmsil edən Suraxanı rayonu, Yeni Suraxanı qəsəbəsinin sakini, azərbaycanlı qol güləşçisi, super ağır çəki dərəcəsində güləşən idmançı Tərxan Müzəffərov ilə görüşüb. Səmimi mühitdə keçən görüş əsnasında Tərxan Müzəffərov YAP Suraxanı rayon təşkilatının sədrinə Slovakiyada keçirilən 33-cü rəsmi Avropa Çempionatı haqqında ətraflı məlumat verərək qeyd etmişdir ki, o sağ qolla qızıl, sol qolla keçirilən yarışlarda isə bürünc medal qazanmışdır. Görüşdə o xüsusi vurğulanmışdır ki, qol güləşi üzrə 2014-cü ildən super ağır çəki dərəcəsində "Senior-Men" kateqoriyasında Azərbaycan idmançıları heç bir medal qazana bilməmişlər.  O tarixdən sonra ilk dəfə olaraq məhz Tərxan Müzəffərov bu çəkidə qızıl medal qazanmışdır.

Avropa cempionu olmuş Yeni Suraxanı qəsəbəsinin sakini, azərbaycanlı qol güləşçisi Tərxan Müzəffərovu təbrik edən YAP Suraxanı rayon təşkilatının sədri Vüqar Seyidov qeyd etmişdir ki, ölkəmizdə idmanın inkişafı gənclərimizin sağlam mühitdə formalaşmasına xidmət edən amildir. Vüqar Seyidov onu da vurğulamışdır ki, Prezident cənab İlham Əliyevin qayğısı nəticəsində rayonumuzda idman komplekslərinin tikilməsi və idmançıların yetişdirilməsinə xüsusi qayğı göstərilməkdədir.