YAP Suraxanı rayon təşkilatının gənc fəalına yüksək etimad göstərilib
10.10.2023-cü il tarixdə YAP Suraxanı rayon təşkilatının sədri Vüqar Seyidov Aqrar İnkişaf Könüllər Təşkilatının yeni seçilmiş sədri Aytac Cabbarovanı qəbul etmişdir.
Səmimi mühitdə keçən görüş zamanı yerli təşkilatının sədri yeni vəzifəyə seçilən Aytac Cabbarovanın YAP Suraxanı rayon təşkilatında məhsuldar fəaliyyətinə toxunaraq bildirmişdir ki, o, qarşıya qoyulan bütün tapşırıqları məsuliyyətlə yerinə yetirmişdir. Eyni zamanda da YAP Suraxanı rayon təşkilatının fəal gənci olan Aytac Cabbarovaya uğurlar arzulayan Vüqar Seyidov xüsusi ilə vurğulamışdır ki, Ulu Öndər Heydər Əliyevin siyasi irsinin daşıyıcısı olan gənclər Prezident cənab İlham Əliyevin ətrafında sıx birləşərək daha böyük uğurlara imza atacaqlar. Vüqar Seyidov dövlət başçısı cənab İlham Əliyevin və çox hörmətli Mehriban xanım Əliyevanın Azərbaycanda gənc könüllülərə göstərdikləri qayğıdan bəhs edərək dedi ki, hər bir gənc üçün Ali Dövlət rəhbərliyinin fəaliyyəti etalondur.
Gənclərə göstərdiyi diqqətə və qayğıya görə YAP Suraxanı rayon təşkilatının sədri Vüqar Seyidova öz dərin minnətdarlığını bildirən Aqrar İnkişaf Könüllər Təşkilatının yeni seçilmiş sədri, yerli təşkilatın fəal gənci Aytac Cabbarova YAP Suraxanı rayon təşkilatının gənclərin doğma evi olduğunu bildirdi. Suraxanı rayonunda gənclərin inkişafını təmin etmək üçün burada hər bir şərait yaradılmışdır. Özünün də YAP Suraxanı rayon təşkilatının yetirməsi olduğunu vurğulayan Aytac Cabbarova Ulu Öndər Heydər Əliyevin siyasi irsini öyrənməkdən və Müzəffər Ali Baş Komandan cənab İlham Əliyevin yaratdığı könüllər hərəkatının bir parçası olmaqdan qürur duyduğunu ifadə etmişdir.
Sonda xatirə şəkli çəkdirilmişdir.
