Vətən müharibəsi şəhidi Ruhid İslamlı anım günündə ehtiramla anılıb

Suraxanı şəhidləri Okt 7, 2025 0 36 Oxu siyahısına əlavə edin

Oktyabrın 7-də Müzəffər Ali Baş Komandan, Azərbaycan Respublikasının Prezidenti cənab İlham Əliyevin rəhbərliyi ilə xalqımızın qələbə qazandığı 44 günlük Vətən Müharibəsində qəhrəmancasına döyüşərək şəhidlik zirvəsində ucalan, 3-cü dərəcəli “Vətənə xidmətə görə” ordeni, "Vətən uğrunda", "Suqovuşanın azad olunmasına görə", "Cəsur döyüşçü" medallarına layiq görülən şəhid İslamlı Ruhid Uğur oğlunun anım günü qeyd olunub.

Anım tədbirində YAP Suraxanı rayon təşkilatının sədri Vüqar Seyidov, RİHB-nin şöbə müdiri Elmar Hüseynov, digər rəsmi şəxslər, Vətən müharibəsi qaziləri, şəhid valideynləri və ictimaiyyət nümayəndələri iştirak ediblər.

Anım günündə şəhidin Zığ qəsəbəsi Dədə Qorqud Şəhidlər xiyabanında məzarı ziyarət edilib, üzərinə tər güllər düzülüb, ruhuna dualar oxunub. Vətənimizin ərazi bütövlüyü uğrunda canından keçmiş şəhidlərimizin əziz xatirəsi ehtiramla anılıb.