Vətən müharibəsi şəhidi Coşqun Orucov anım günündə ehtiramla yad edilib

  Suraxanı şəhidləri   Okt 25, 2024   0   102  Oxu siyahısına əlavə edin
Vətən müharibəsi şəhidi Coşqun Orucov anım günündə ehtiramla yad edilib

Müzəffər Ali Baş Komandan cənab İlham Əliyevin rəhbərliyi ilə Azərbaycanın suverenliyi və ərazi bütövlüyü uğrunda Şanlı Ordumuzun qələbə qazandığı 44 günlük Vətən Müharibəsində qəhrəmancasına döyüşərək şəhidlik zirvəsinə ucalan Orucov Coşqun Oruc oğlunun anım günü qeyd olunub.

Anım günü münasibətilə YAP Suraxanı rayon təşkilatının sədri Vüqar Seyidov, sədr müavini Salman Əbdülov, şəhid ailələri və qazilər Zığ qəsəbəsi, Dədə Qorqud Şəhidlər Xiyabanında məzarını ziyarət ediblər. Vətənimizin ərazi bütövlüyü uğrunda canından keçmiş bütün şəhidlərimizin xatirəsi yad edilib, ruhlarına dualar oxunub.
Daha sonra Vətən müharibəsinin şəhidi Orucov Coşqun Oruc oğlunun anım günü münasibətilə məzun olduğu 315 nömrəli tam orta məktəbdə anım tədbiri keçirilib. Dövlət himninin səsləndirilməsi və vətənimizin azadlığı, ərazi bütövlüyü, müstəqilliyi uğrunda şəhid olanların xatirəsinin bir dəqiqəlik sükutla yad edilməsi ilə başlanan anım tədbirində  Suraxanı Rayon İcra Hakimiyyətinin şöbə müdiri Elmar Hüseynov, YAP Suraxanı Rayon Təşkilatının məsul əməkdaşı Ənvər Haqverdiyev, Şəhidin doğmaları, Şəhid ailələri, məktəbin müəllim və şagird kollektivi iştirak ediblər.

Məktəbin müəllim-şagird kollektivi tədbir iştirakçılarına Şəhid Coşqun Orucova həsr olunmuş ədəbi-bədii kompozisiya və səhnəciklər təqdim etmişlər.

YAP Suraxanı Rayon Təşkilatının məsul əməkdaşı Ənvər Haqverdiyev Şəhidin ailəsinə bir daha başsağlığı verərək, Dövlət başçısı Müzəffər Ali Baş Komandan İlham Əliyevin və çox hörmətli Mehriban xanım Əliyevanın şəhid ailələrinə olan ehtiramının hamı üçün etalon olduğunu vurğulamışdır. Yerli təşkilatın məsul əməkdaşı məktəblərdə şəhidlərlə bağlı tədbirlərin keçirilməsinin onların ruhlarının yaşadılması nöqteyi nəzərindən böyük əhəmiyyətə malik olduğunu bildirmişdir.

Həmçinin, Şəhidimizin anası Fərqanə xanım Prezident cənab İlham Əliyevin və birinci xanım Mehriban Əliyevanın Şəhid ailələrinə göstərdiyi diqqət və qayğıdan danışaraq dərin minnətdarlığını ifadə edib.