Ulu Öndər Heydər Əliyev dünyamiqyaslı lider kimi özünü təsdiq edib
MƏLAHƏT ƏSƏDOVA
YAP Suraxanı rayon təşkilatının ƏPT-nin sədri
Suraxanı rayonu, 208 nömrəli tam orta məktəbin direktoru
Dövlət idarəetməsində heç bir təcrübəsi olmayan şəxslərin vəzifəyə gətirilməsi ölkəmizin suverenliyinə təhdid yaratdığı bir dövrdə, demokratik dəyərləri müdafiə edən Ulu Öndər Heydər Əliyev 1993-cü il 15 iyun tarixində xalqın təkidli tələbi ilə Azərbaycan Respublikası Ali Sovetinin sədri seçildi. Parlament 24 iyun 1993-cu il tarixli iclasında Prezident səlahiyyətlərinin ilk gündən parlamentarizm ənənələrinə sadiq qalaraq aşkarlıq prinsipinə üstünlük verən Ali Sovetin sədri Heydər Əliyevə verilməsi barədə qərar qəbul etdi.
Ulu Öndər Heydər Əliyev hakimiyyətə gələrkən qeyd etmişdir ki, ölkəmizin ağır, mürəkkəb və gərgin vəziyyətini tam məsuliyyətlə dərk edir və onun müstəqilliyini qorumağı, möhkəmləndirməyi, inkişaf etdirməyi özü üçün əsas vəzifələrdən biri hesab edir. Azərbaycan Respublikasının dövlət müstəqilliyi 1918-ci ildə yaranmış ilk Azərbaycan Demokratik Respublikasının ənənələri əsasında, müasir tələblərlə, dünyada gedən proseslərlə bağlı olaraq təmin olunmalıdır. Bu sahədə daim çalışacağına və ömrünün bundan sonrakı hissəsini, harada olursa-olsun yalnız və yalnız Azərbaycan Respublikasının müstəqil dövlət kimi inkişaf etməsinə həsr edəcəkdir.
Özünü bütün sahələrdə lider kimi təsdiq edən Ulu Öndərimiz Heydər Əliyevin Azərbaycan amalı, Azərbaycanın dayanıqlı iqtisadi inkişafını və beynəlxalq əhəmiyyətini müəyyən edən və 8 ölkənin 1994-cu il 20 sentyabr tarixində imzaladığı “Əsrin müqaviləsi” davamlı islahatların reallaşdırılmasının sübutudur. Bu müqavilə ilə ölkəyə dünya iqtisadiyyatına və siyasətinə inteqrasiya istiqamətində ciddi addımlar atmağa imkan yaratdı.
Heydər Əliyevin sosial-iqtisadi, siyasi və mədəni inkişaf kursu, xarici iqtisadi əlaqələri və 1996-cı ildən öz müsbət nəticələrini verən neft strategiyası Azərbaycanın dünyada və regionda geosiyasi və geoiqtisadi əhəmiyyətini artırdı, ölkəmizi iqtisadi tərəfdaşa çevirdi və Azərbaycanın regional və beynəlxalq əhəmiyyətini, geoiqtisadi dəyərini yüksəldərək regional dövlət olaraq perspektivlərini artırdı.
Dərin məntiqli nitqi, natiqlik məharəti, söz seçmək bacarığı, auditoriya ilə ünsiyyət qurmaq səriştəsi ilə dinləyənləri məftun edən, Azərbaycan torpaqlarının Ermənistan tərəfindən işğal olunması faktını beynəlxalq təşkilatların siyasi gündəliyinə gətirən Heydər Əliyev öz fəal diplomatiyansı nəticəsində dünyanın demokratik dövlətlərinin və aparıcı təşkilatlarının ölkəmizə, onun zorla cəlb olunduğu silahlı münaqişəyə münasibətinin əsaslı surətdə dəyişdirmişdir.
İqtisadi müstəqillik siyaəsti ilə Ulu Öndər qısa müddətdə respublika iqtisadiyyatında ciddi keyfiyyət dəyişikliklərinə nail olmaqla Azərbaycanı xammal istehsalçısından qabaqcıl, müasir texnika və texnologiya ilə təchiz olunmuş sənaye bazasına çevirə bildi.
