Ümumilli Lider Heydər Əliyev Azərbaycan Respublikasının Prezidenti seçilməsi ilə Müstəqil müasir Azərbaycanın əsasını qoydu
Adilə Bağırzadə
YAP Suraxanı rayon təşkilatının üzvü
Suraxanı rayonu, 76 nömrəli tam orta məktəbin Uşaq Birliyi Təşkilatı Rəhbəri
Müasir Azərbaycan tarixinin bütöv bir epoxası, önəmli bir mərhələsi Ulu Öndərimiz Heydər Əliyevin adı və fəaliyyəti ilə bağlıdır. Ümumilli Lider Heydər Əliyevin 34 illik rəhbərliyi dövrü Azərbaycan tarixinin ən yüksək inkişaf mərhələsi olmuşdur. Müstəqil ölkəmizin bugünkü uğurları Heydər Əliyevin strategiyasının təntənəsidir. Azərbaycan bu gün hərtərəfli və dinamik inkişaf yolundadır, həyatımızın bütün sahələrində yüksəliş və tərəqqi var.
Heydər Əliyev xalqını sonsuz məhəbbətlə sevmiş ,xalq da onun sevgisini daim uca tutmuşdur. Məhz xalqına bu məhəbbət dünya şöhrətli siyasi xadimi yenidən öz ana vətəni Azərbaycana ikinci dəfə ölkə rəhbərliyinə qaytarmışdır. 1993-cü ilin keşməkeşli iyun günlərində xalqın təkidli tələbi və xahişi ilə yenidən hakimiyyətə qayıdan böyük və bənzərsiz şəxsiyyət Heydər Əliyev xalqın başının üstünü almış bütün bəlalardan millətini hifz edib qorudu, respublikada ictimai siyasi sabitliyi təmin etdi, vətəndaş qarşıdurmasını aradan qaldırdı, ölkənin parçalanmaq təhlükəsindən xilas etməklə, milli qurtuluşu təmin etdi. Ölkəmiz demokratiya, hüquqi dövlət quruculuğu yolu ilə irəlilədi ,xalq birliyi yarandı.
Ulu öndərimiz Heydər Əliyevin rəhbərliyi altında hazırlanaraq 1995 –ci ilin noyabrında ümumxalq səsverməsi yolu ilə qəbul edilmiş müstəqil Aərbaycanın ilk Kanstitusiyası ölkənin gələcək inkişaf istiqamətlərini müəyyənləşdirməklə bərabər , insan hüquq və azadlıqlarının təminatını dövlətin ali məqsədi kimi ön plana cıxarmışdır. Heydər Əliyev qürur hissi ilə deyərdi: “ Mən həmişəfəxr etmişəm, indi də fəxr edirəm ki , mən azərbaycanlıyam.”
Bu gün Azərbaycan xalqı fəxr edir ki , onun Heydər Əliyev kimi bir övladı var. Qəlbi həmişə Azərbaycanla döyünən Heydər Əliyevin parlaq xatirəsi daim anılacaq və seviləcəkdir.
