Suraxanı rayonu 275 nömrəli məktəbin 11 E sinifinin 16 məzununun hamısı ali məktəblərə qəbul olunublar
2021-2022-ci tədris ilində Dövlət İmtahan Mərkəzinin təşkil etdiyi ali məktəblərə qəbul imtahanlarının nəticələrinə əsasən 275 nömrəli tam orta məktəbin 11 E sinifini bitirən 16 məzununun hamısı ali məktəblərə qəbul olunub, tələbə adı qazanıblar.
Dövlətimiz hər zaman təhsilə önəm vermiş savadlı kadrların yetişməsi üçün bütün gücünü səfərbər etmişdir. Məhz bunun nəticəsidir ki, gənclərimiz yüksək nəticə əldə edərək ali təhsil müəsisələrinə daxil olurlar. Suraxanı rayonu 275 nömrəli tam orta məktəb də yüksək nəticələri ilə seçilən məktəblərdən biridir. Bu il məktəbin 11-ci sinif şagirdləri ali məktəblərə buraxılış imtahanlarında yüksək nəticələr əldə etmişdilər. Məktəbin riyaziyyat müəllimi İsayev Şahab Şahbaz oğlunun rəhbərlik etdiyi 11E sinfinin bütün məzunları respublikanın müxtəlif ali məktəblərinə daxil olmuşlar .Onlardan bir nəfər Səbzəliyev Yusif Kamran oğlu məktəbi fərqlənmə atestatı ilə bitirib 600 bal toplayaraq Polis Akademiyasına daxil olmuşdur. Digər şagirdlərdən 6 nəfəri 400-500 bal toplamışlar.
