Kəlbəcərə köçürülmə prosesi mərhələli şəkildə davam edir  

Pərvanə Cəfərova

Suraxanı Gənclər Evinin əməkdaşı
YAP Suraxanı rayon təşkilatının gənc fəal üzvü

Azərbaycanın ən yüksək dağ rayonlarından biri olan Kəlbəcər, qədim tarixi, zəngin mədəniyyəti və strateji əhəmiyyəti ilə seçilir. Toponimin mənşəyi qədim türk dilində "çay üstündə qala" deməkdir. Bölgənin ərazisində 30 min ildən çox tarixi olan yaşayış məskənləri, 6 min illik qaya təsvirləri və qədim türk əlifbası nümunələri aşkar edilmişdir.

25 noyabr 2020-ci ildə Kəlbəcər şəhəri daxil olmaqla 147 yaşayış məntəqəsinin azad edilməsi Zəfər tarixinin şanlı səhifələrindən biridir. Təsis edilmiş 25 noyabr - Kəlbəcər şəhəri günü bu tarixi əhəmiyyəti əks etdirir.

İnfrastrukturun Bərpası: Uzunluğu 11,7 km olan Murovdağ tuneli kimi nəhəng layihələr, avtomobil yollarının, Kiçik Su Elektrik stansiyalarının yenidən qurulması bölgənin dayanıqlı inkişafını təmin edir.

Məskunlaşma və Sosial Həyat: 2040-cı ilədək inkişaf Baş planı təsdiqlənmiş, 524 ailəlik yaşayış məhəlləsi layihələndirilmişdir. Kəlbəcərə köçürülmə prosesi mərhələli şəkildə davam edir.

Turizm Potensialı: “İstisu” mineral su zavodu və “İstisu” Müalicə-İstirahət Kompleksi regionun turizm potensialını bərpa edərək, iqtisadi dirçəlişə töhfə verəcəkdir.

Kəlbəcər bu gün Azərbaycan dövlətinin və xalqının sarsılmaz birliyinin və inkişaf əzminin simvoludur. O, güclü liderlik, qəhrəmanlıq, Heydər Əliyev irsinə sədaqət və hər bir kəlbəcərlinin yurduna bağlılığı ilə yenidən ucalır.