Fransa Ermənistana böyük qardaşlıq edir

Ülkər Quliyeva

30 nömrəli Ambulatoriyanın həkimi 

YAP Suraxanı rayon təşkilatının ƏPT-nin sədri

Azərbaycan dövləti diplomatik münasibətlərə hər zaman əhəmiyyət verən və diplomatik münasibətləri təhlükəsizlik prinsipləri ilə davam etdirən ölkədir. Son vaxtlar Fransa ilə Azərbaycan münasibətlərini nə qədər normallaşdırmağa çalışsaq da Fransanın ermənipərəst mövqeyi sərgilədiyini bütün dünya ictimaiyyəti  görür. Makron ikiüzlü və riyakar  davranış sərgiləməsi heç də təəccüblə qarşılamadıq. Çünki biz bilirdik ki, Fransa Ermənistanın böyük qardaşı, ağası kimi hər şeydən xəbərdar olduqdan sonra ermənipərəst bəyanatlarla çıxış edir.

 Bu yalançı və riyakar qərəzli münasibət yalnız Azərbaycana qarşı deyil, həm də Türkiyəyə qarşıdır. Türkiyə Prezidenti dəfələrlə Fransa prezidentinə sərt şəkildə reaksiya verib.  Lakin görünür bu sözləri Fransa prezidenti qulaq ardına vurur. Azərbaycan münasibətlərin düzəlməsi, normallaşdırılması istiqamətində köməklik göstərən bütün ölkə başçıları ilə bir mövqedən çıxış edir. Azərbaycanın yanaşmasını,  prinsiplərini  həm beynəlxalq arenada, həm də  liderlər arası ikili görüşlərdə dövlət başçımız  İlham Əliyev açıqca bildirib.

Biz Azərbaycan və Ermənistan  münasibətlərinin  normallaşmasını təmin edəcək olan  bütün görüşləri qəbul edirik. Lakin Fransanın münasibətlərin normallaşdırılması ilə bağlı olan görüşlərə sonradan  qatılması və bu görüşlərdən sonra ermənipərəst mövqe sərgiləməsi Fransa prezidentinin əsl iç üzünü açıq şəkildə, şəffaflıqla göstərdi. Düşünürəm ki, proeslərə belə  bir mövqe sərgiləyən Fransanın heç bir vasitəçiliyinə ehtiyac yoxdur. Vasitəçilik etsə əgər bu yalnız prosesləri uzadılmasına və girginliyin artmasına xidmət edəcək.

Fransa erməni lobbisinə xidmət etməklə məşğuldur. Eyni zamanda  Fransa dərk etdi ki, global siyasi proseslərdən geri qalıb. Makron bir vasitə ilə özünü göstərmək, sensassiya yaratmaq, gündəmdə qalmaq istəyi ilə proseslərə qatılmaq marağındadır. II Qarabağ müharibəsindəki Azərbaycanın qələbə əldə etməsindən sonra bütün dünya ictimiyyətinin  gözü Qarabağda gedən proseslərə çevrildi. Bu mənada  Ermənistanla münasibətlərin  normallaşdırılması prosesində gedən görüşlər diqqət çəkir. Bu məqamdan faydalanmaq üçün Makron görüşlərdə iştirak etməyə və ermənipərəst fikirlər səsləndirməklə öz fəaliyyətində diqqət çəkməyə çalışır.