“Ey könül mülkünün barı Naxçıvan” adlı tədbir keçirildi

Suraxanı rayon Heydər Əliyev Mərkəzinin və “5 nömrəli Uşaq – Gənclər İnkişaf Mərkəzi” publik hüquqi şəxsinin birgə təşkilatçılığı ilə Naxçıvanın 100 illiyinə həsr olunmuş “Ey könül mülkünün barı Naxçıvan” adlı tədbir keçirildi. Tədbirdə YAP Suraxanı rayon təşkilatının məsləhətçisi, RİH - nin nümayəndəsi, Bakı şəhər Naxçıvan MR daimi nümayəndəliyinin əməkdaşları, şəhid ailələri, təhsil müəssisələri və məktəblilər iştirak etdilər. 

Tədbir Azərbaycan Respublikasının Dövlət Himninin səsləndirilməsi ilə başlandı. Ümumilli Lider Heydər Əliyevin və şəhidlərimizin əziz xatirəsi sükutla yad edildi. Bakı şəhər daimi nümayəndəliyinin əməkdaşı Abbas Muxtarzadə, YAP Suraxanı rayon təşkilatının əməkdaşı Kürsüm Həsənova, 5 nömrəli Uşaq – Gənclər İnkişaf Mərkəzi” publik hüquqi şəxsinin direktoru Elza Orucova, Suraxanı rayon Heydər Əliyev Mərkəzi fondun baş mühafizi Zəkiyə Hacıyeva, AVMVB-nin üzvü Hüseyn İsmayılov çıxış edərək Naxçıvanın tarixi, keçdiyi yollar, Ulu öndər Heydər Əliyevin Naxçıvan dövrü ilə bağlı məlumatlar verdilər.

Tədbirin bədii hissəsində “5 nömrəli Uşaq – Gənclər İnkişaf Mərkəzi” publik hüquqi şəxsin dərnək üzvlərinin ifasında şeirlər, mahnılar səsləndirildi və rəqslər nümayiş olundu. Dərnək üzvləri Ümumilli lider Heydər Əliyevin zəngin irsini əks etdirən ekspozisiya ilə tanış oldular.