YAP Suraxanı rayon təşkilatının sədri Vüqar Seyidovun iştirakı ilə ərazi partiya təşkilatında hesabat-seçki yığıncağı keçirilib
Yeni Azərbaycan Partiyası Suraxanı rayon təşkilatının Qaraçuxur qəsəbəsi Yeni Günəşli “AB” yaşayış sahəsi Abbas Fətullayev küçəsi ünvanında yerləşən ərazi partiya təşkilatında YAP Suraxanı rayon təşkilatının sədri Vüqar Seyidovun iştirakı ilə hesabat-seçki yığıncağı keçirilmişdir. Vətən Müharibəsi şəhidlərinin və Ulu Öndər Heydər Əliyevin əziz xatirələrinin bir dəqiqəlik sükutla yad edilməsindən sonra, yığıncağı giriş sözü ilə açan Suraxanı Tibb Mərkəzinin direktoru, 1993-cü ildən YAP-ın üzvü, partiyanın veteranı Məmmədov Azər Nadir oğlu qonaqları salamlayaraq dogma partiyanın cəmiyyətimizin sosial həmrəyliyində oynadığı rola toxunaraq bildirdi ki, bu gün əldə olunan inkişafımızda siyasi həmfikirlərin rolu danılmazdır.
Daha sonra Qaraçuxur qəsəbəsi Yeni Günəşli “AB” yaşayış sahəsi Abbas Fətullayev küçəsi ünvanında yerləşən ərazi partiya təşkilatının sədri Yaqubova Südabə Yüsif qızı YAP-ın VI qurultayından bu günə qədər görülmüş işlər haqqında hesabat xarakterli məruzə ilə çıxış etmişdir. Daha sonra hesabat məruzəsi ətrafında müzakirələr aparılmış, çıxışlar edilmişdir.
Qaraçuxur qəsəbəsi Yeni Günəşli “AB” yaşayış sahəsi Abbas Fətullayev küçəsi ünvanında yerləşən ərazi partiya təşkilatının sədr və sədr müavininin seçilməsi məsələsi müzakirə edilərək qərar qəbul edilmişdir. ƏPT-nın üzvlərinin səs verməsi nəticəsində sədr Yaqubova Südabə Yüsif qızı, sədr müavini Ağayeva Zərifə Cahangir qızı seçilmişlər. ƏPT-nın iclası ilə bağlı protokol tərtib edilmişdir.
Yeni Azərbaycan Partiyası Suraxanı rayon təşkilatının sədri Vüqar Seyidov çıxış edərək ərazi partiya təşkilatının üzvlərini salamlayaraq işlərində uğurlar arzuladı. Yerli təşkilatın sədri bildirmişdir ki, bu gün nəinki 30 il əvvəl qarşımıza qoyduğumuz hədəflərə çatmışıq, hətta xəyal belə hesab etdiyimiz uğurlar əldə etmişik. YAP-ın təsis edilməsinin 29-cu ildönümünü qeyd etdiyimiz bugünlərdə milli maraqlarımızın fövqündə yeni ümummilli hədəflərimiz meydana çıxmışdır. Vüqar Seyidov xüsusi vurğuladı ki, bu hədəflərin əldə olunmasında YAP dövlətin və cənab Prezident İlham Əliyevin əsas istinad nöqtəsidir. Rayon təşkilatının sədri YAP-ın VI qurultayından bu günə qədər görülmüş işlər haqqında hesabat xarakterli məruzənin qənaətbəxş olduğunu bildirdi.
YAP Suraxanı rayon təşkilatının sədri Vüqar Seyidov gələcəkdə həyata keçiriləcək partiya fəaliyyəti, yeni üzvlərin qəbulu, üzvlük haqlarının vaxtında ödənilməsinin təmin edilməsi, qeydiyyat-uçotun səmərəli aparılması, ideoloji işin məqsədyönlü qurulması ilə bağlı öz tövsiyyə və tapşırıqlarını vermiş, ƏPT-nın fəaliyyətində uğurlar diləmişdir.
