YAP Suraxanı rayon təşkilatının nümayəndələri şəhid Mixail Həmidovun qızı Mələyin doğum gününü təbrik ediblər
YAP Suraxanı rayon təşkilatının nümayəndələri Yeni Günəşli yaşayış sahəsinin sakini olmuş, Vətən Müharibəsi şəhidi, baş leytenant Həmidov Mixail Hamlet oğlunun ailəsini ziyarət ediblər. Yerli təşkilatın məsləhətçisi Fərəh Məcidzadə və könüllülər Təranə İsmayilzadə, Dürdanə Şıxəliyeva təşkilatın sədri Vüqar Seyidovun adından şəhidin 10 yaşı tamam olan qızı Mələyi doğum günü münasibətilə təbrik edərək, ona hədiyyələr təqdim etmişdir.
Ailənin qayğıları ilə maraqlanan təşkilat nümayəndələri söhbət zamanı şəhidlərimizin Vətən qarşısında böyük və misilsiz xidmətlərinin olduğunu, torpaqlarımızın azadlığı uğrunda şəhid olmuş hər bir övladımızın xatirəsinin dövlətimiz və xalqımız tərəfindən hər zaman uca tutulduğunu vurğulamış, şəhid olan qəhrəmanlarımıza Allahdan rəhmət diləmişlər.
Şəhid Mixail Həmidovun ailə üzvləri göstərilən diqqət və qayğıya görə minnətdarlıqlarını bildiriblər.
