Ümummilli Lider Heydər Əliyevin imzaladığı fərmanla 31 mart Azərbaycanlıların Soyqırımı Günü elan edildi
Sahibə Hüseynova
“Buta” körpələr evi və uşaq bağçasının müdiri
YAP Suraxanı rayon təşkilatının ƏPT-nin sədr müavini
1918-ci ilin mart soyqırımları öz amansızlığına və miqyasına görə təkcə Azərbaycan tarixində deyil bəşər tarixində də ən qanlı faciələrdən biridir. On minlərlə azərbaycanlı ilə yanaşı, minlərlə ləzgi, yəhudi, rus, avar və talış milliyətinə mənsub insanları qılıncdan, süngudən keçirdilər, diri – diri yandırdılar.
Milli memarlıq incilərini, məktəbləri, xəstəxanaları, məscid və mədəni abidələri dağıtdılar. Bakının böyük bir hissəsini xarabalığa çevirdilər. Ermənilərin azərbaycanlılara qarşı sorqırımları xx əsrin sonlarında bir daha təkrarlandı. 1992-ci ilin fevralında ermənilər Xocalı şəhərinin əhalisinə misli görünməyən divan tutdu.
Tarixin ötən 200 illik səhifələri vərəqləndikcə yeni-yeni faktlar ,erməni vəhşiliyinin tükürpədən səhnələri üzə çıxır. Azərbaycan dövlət müstəqilliyini bərpa etdikdən sonra xalqımızın tarixi keçmişini obyektiv mənzərəsini ortaya qoymaq imkanı yarandı .
1998-ci ildə Ümummilli Lider Heydər Əliyevin imzaladığı fərmanla 31 mart Azərbaycanlıların Soyqırımı Günü elan edildi və hər il bu tarixdə rəsmi anım tədbirləri keçirilir. Bu soyqırım təkcə bir dövrə aid deyil ,tarix boyu azərbaycanlılara qarşı həyata keçirilən etnik təmizləmə və soyqırım siyasətinin bir hissəsidir .
Azərbaycan bu faciənin beynəlxalq səviyyədə tanınması üçün ardıcıl şəkildə fəaliyyət göstərir. Bu soyqırımı qurbanlarının xatirəsi qarşısında indiki nəslin müqqədəs borcudur.
