Şəhid Sahil İbrahimov Əmircan qəsəbəsində Şəhidlər xiyabanında dəfn edildi

İyunun 3-də 1-ci Qarabağ müharibəsinin daha bir itkin-şəhidi İbrahimov Sahil Nurəddin oğlu dəfn edildi. Dəfn mərasimində Rayon İcra Hakimiyyətinin başçısı Adil Əliyev, YAP Suraxanı Rayon Təşkilatının sədr müavini Salman Əbdülov, Suraxanı Rayon Ağsaqqallar şurasının sədri Arif Babayev, rayonun hüquq-mühafizə orqanlarının rəhbərləri, RİHB-nin müavinləri, Müdafiə və Daxili İşlər nazirliklərinin əməkdaşları, şəhidin ailə üzvləri, doğmaları, şəhid ailələri, müharibə iştirakçıları və rayon ictimaiyyəti iştirak ediblər.

Qeyd edək ki, 1970-ci il iyulun 23-də Ermənistanın Amasya rayonunun Çivinli kəndində anadan olan Sahil İbrahimov 1993-cü il fevralın 9-da Ağdərə rayonunun Mehmanə kəndi istiqamətində gedən döyüşlərdə itkin düşmüşdü.