Şəhid mayor Rüfət Əsgərovun anım günü qeyd olunub

Suraxanı şəhidləri Okt 14, 2024 0 82 Oxu siyahısına əlavə edin

14 oktyabr Vətən Müharibəsi şəhidi mayor Əsgərov Rüfət Mürvət oğlunun anım günüdür. Şəhidimizin şəhid olduğu gün ilə əlaqədar Xətai rayon İcra Hakimiyyətinin başçısı Rafiq Quliyev, Milli Məclisin deputatı, YAP-ın İdarə Heyətinin üzvü Mixail Zabelin, Milli Məclisin deputatları Vüqar Rəhimzadə, Zahid Oruc, Qaya Məmmədov, YAP Suraxanı rayon təşkilatının sədri Vüqar Seyidov, digər rəsmi şəxslər və şəhid ailə üzvləri, qazilər mayor Əsgərov Rüfətin II Fəxri Xiyabandakı əbədi istirahətgahını ziyarət etmiş, tər güllər düzmüş, dualar oxumuşlar.

Qeyd edək ki, şəhid mayor Əsgərov Rüfət Mürvət oğlu Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin müvafiq sərəncamları ilə 3-cü dərəcəli “Rəşadət" ordeni, “Vətən uğrunda”, "Hərbi xidmətlərə görə" və “Suqovuşanın azad olunmasına görə” medalları ilə təltif edilmişdir.

Göstərilən diqqət və qayğıya görə şəhidin ailə üzvləri cənab Prezident İlham Əliyevə, Birinci vitse-prezident çox hörmətli Mehriban xanım Əliyevaya və Yeni Azərbaycan Partiyasına öz dərin minnətdarlıqlarını bildirmişlər.