Şəhid Fərid Hüseynzadə doğum günündə ehtiramla yad edilib
18 may Hüseynzadə Fərid Eldəniz oğlunun doğum günüdür. Müzəffər Ali Baş Komandan, Azərbaycan Respublikasının Prezidenti cənab İlham Əliyevin rəhbərliyi ilə xalqımızın qələbə qazandığı 44 günlük Vətən Müharibəsində qəhrəmancasına döyüşərək şəhidlik zirvəsində ucalan, “Vətən uğrunda”, “Füzulinin azad olunmasına görə” və "İgidliyə görə" medallarına layiq görülən şəhid Hüseynzadə Fərid Eldəniz oğlunun doğum günü qeyd olunub.
Suraxanı Rayon İcra Hakimiyyəti şöbə müdiri Elmar Hüseynov, YAP Suraxanı rayon təşkilatının məsləhətçisi Ənvər Haqverdiyev, şəhidin ailə üzvləri və rayon ictimaiyyəti tərəfindən şəhid Fərid Hüseynzadənin Bülbülə qəsəbəsindəki Şəhidlər Xiyabanında məzarı ziyarət edilərək xatirəsi ehtiramla anılıb, məzarı üzərinə gül dəstələri düzülüb və ruhuna dualar oxunub. Eyni zamanda canlarını Azərbaycanın ərazi bütövlüyü uğrunda qurban vermiş Vətən müharibəsi şəhidlərinin əziz xatirələri bir dəqiqəlik sükutla yad edilib.
