Suraxanı rayonu 84 nömrəli tam orta məktəbdə Əhməd Cavadın 130 illiyinə həsr olunmuş tədbir keçirilib

Azərbaycan Respublikasının Prezidenti cənab İlham Əliyevin "Əhməd Cavadın 130 illiyinin qeyd edilməsi haqqında" 20 aprel 2022ci il tarixli 3222 nömrəli sərəncamının icrası ilə bağlı Elm və Təhsil Nazirliyinin tədbirlər planına əsasən A.Muradov adına 84 nömrəli tam orta məktəbdə Əhməd Cavadın 130 illik yubileyinə həsr olunmuş "Susmaram..." adlı  ədəbi- bədii kompozisiyadan ibarət  tədbir keçirilmisdir.

Tədbridə məktəbin Azərbaycan dili və ədəbiyyatı müəllimi Məlahət Alməmmədovanın təşkilatçılığı ilə Əhməd Cavadın həyat və yaradıcılığını əks etdirən səhnəciklər nümayiş etdirildi. Şairin şeirləri və şeirlərinə bəstələnmiş musiqilər şagirdlərimiz tərəfindən səsləndirildi.Tədbirdə Suraxanı rayonu İcra Hakimiyyətinin nümayəndəsi Gülşən  Şıxlarova, YAP Suraxanı Rayonu Təşkilatının məsləhətçisi Nərgiz Çİraqova və digər rəsmi qonaqlar iştirak etmişlər.

Sonda məktəbin direktoru Röya İslamova çıxış edərək SSRİ-nın işğalından sonra Azərbaycan xalqının yaşadığı faciələrdən, repressiya qurbanlarının acınacaqlı taleyindən danışmış, müstəqilliyin bir xalq üçün nə qədər vacib olduğunu, onu qorumağa  hər bir vətəndaşın borclu olduğunu vurğulamışdır.