Şəhid Röyal Balaşzadənin doğum günü qeyd olunub
2022-ci ilin sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Daşkəsən, Kəlbəcər, Laçın və Zəngilan istiqamətlərində törədilən genişmiqyaslı təxribatın qarşısı alınarkən Şəhid olmuş qəhrəmanımız Balaşzadə Röyal Atduxan oğlunun bu gün doğum günüdür.
Doğum günü münasibəti ilə mərasim iştirakçıları Binə qəsəbəsinin Şəhidlər Xiyabanında Şəhidimizin əbədi istiragətgahını ziyarət etmiş, dualar oxumuş və məzarı üstünə tər güllər düzmüşlər. Mərasimdə Yeni Azərbaycan Partiyası Suraxanı rayon təşkilatının sədr müavini Salman Əbdülov, şəhidin məzunu olduğu 315 nömrəli tam orta məktəbin direktoru əvəzi Leyli Rüstəmova və müəllim – şagird kollektivi, şəhid ailələri, qazilər, ictimaiyyət nümayəndələri iştirak ediblər.
