Prezidentin Berlində qətiyyətli mövqeyi...
Sona İsmayilova
YAP Suraxanı rayon təşkilatının üzvü
Suraxanı rayonu, 279 saylı uşaq bağçası-körpələr evinin tərbiyyəçi müəllimi
Prezident İlham Əliyevin son Almaniya səfəri sadəcə növbəti bir diplomatik protokol və ya rəsmi görüş silsiləsi deyil. Bu, Bakı ilə Berlin arasında illərdir formalaşan münasibətlərin tamamilə yeni, daha dinamik və strateji bir mərhələyə adlamasının bariz göstəricisidir. Avropanın iqtisadi motoru rolunu oynayan Almaniyanın paytaxtından gələn siqnallar təkcə ikitərəfli əlaqələrin gələcəyini deyil, həm də bütün Cənubi Qafqazın yeni təhlükəsizlik və əməkdaşlıq xəritəsini cızır.
Prezident cənab İlham Əliyevin Berlində keçirdiyi mətbuat konfransındakı qətiyyətli mövqeyi və rəsmi şəxslərlə apardığı danışıqlar Azərbaycanın müstəqil xarici siyasətinin vizit kartı idi. Bu çıxışlar dəyişən qlobal güc balansında Bakının strateji çəkisinin və manevr imkanlarının nə qədər artdığını növbəti dəfə hər kəsə nümayiş etdirdi.
Səfərim ən diqqətçəkən müzakirə mövzularından biri, şübhəsiz ki, enerji təhlükəsizliyi və qlobal trendlərə çevrilən "yaşıl keçid" məsələsidir. Azərbaycan artıq Avropa üçün sadəcə ənənəvi neft-qaz tədarükçüsü olan etibarlı tərəfdaş deyil. Bakı indi daha böyük iddia ilə çıxış edir.
Bu kontekstdə xüsusilə iki məqam ön plana çıxır:
Xəzər-Avropa Yaşıl Enerji Dəhlizi: Xəzərin bərpa olunan enerji potensialı artıq kağız üzərindəki layihə deyil. Bu nəhəng infrastruktur Almaniyanın sənaye mərkəzlərinə qədər uzanacaq real fəaliyyət mərhələsinə qədəm qoyur.
