Prezidenti, partiyanın Sədri İlham Əliyevin YAP-ın VIII Qurultayındakı nitqindən irəli gələn vəzifələrin müzakirəsinə həsr olunmuş görüşləri uğurla davam etdirir

Bu gün Zığ qəsəbəsi Qum adası ünvanında yerləşən (SOCAR-ın Sənaye Təhlükəsizlik İdarəsi) Ərazi Partiya Təşkilatında (ƏPT) növbəti belə görüş keçirilib. Tədbiri giriş sözü ilə açan ƏPT sədri İskəndər Şirəli iştirakçıları salamladıqdan sonra 2 oktyabr tarixində keçirilmiş YAP-ın VIII Qurultayında Cənab Prezidentin çıxışından irəli gələn vəzifələrin müzakirəsi məqsədilə təşkil olunmuş görüşdə VIII Qurultayda səsləndirilən fikirlərin ölkənin siyasi və ictimai həyatında mühüm istiqamətverici rol oynadığını diqqətə çatdırıb. Bildirib ki, partiyanın qarşısında duran vəzifələrin uğurla yerinə yetirilməsi üzvlərin birgə fəaliyyətindən, dövlətçilik mövqeyinə sadiqliyindən və ictimai proseslərdə fəal iştirakından asılıdır.

YAP Suraxanı rayon təşkilatının sədr müavini Salman Əbdülov çıxış edərək qurultayda qarşıya qoyulan hədəflər barədə iştirakçılara ətraflı məlumat verib. Salman Əbdülov vurğulayıb ki, Prezident İlham Əliyevin qurultaydakı nitqi güclü dövlətçilik, milli maraqların qorunması və ölkəmizin beynəlxalq mövqelərinin daha da möhkəmləndirilməsi baxımından mühüm mesajlarla zəngindir. S.Əbdülov qeyd edib ki, Azərbaycanın bugünkü qüdrəti Ulu Öndər Heydər Əliyevin müəyyənləşdirdiyi siyasi kursun uğurla davam etdirilməsinin, Prezident İlham Əliyevin uzaqgörən siyasətinin və xalq-iqtidar birliyinin nəticəsidir. O, həmçinin partiya üzvlərinin üzərinə düşən məsuliyyətdən danışaraq bildirib ki, qurultayda müəyyən edilən hədəflər hər bir təşkilatın gündəlik fəaliyyətində öz əksini tapmalı, partiya fəalları cəmiyyətlə sıx əlaqələri, təşəbbüskarlığı və nümunəvi fəaliyyəti ilə ümumi işə töhfə verməlidirlər.

Görüşün sonunda iştirakçıların sualları cavablandırılıb.