Mingəçeviri Qafqazın enerji mərkəzinə çevirən Ulu Öndər Heydər Əliyevdir
Turac Ələkbərova
YAP Suraxanı rayon təşkilatının təəssübkeşi
Suraxanı rayon 104 nömrəli tam orta məktəbin müəllimi
Fevralın 13-də Bakıda “Gülüstan” sarayında müstəqillik dövrünün 1280 MVt gücündə ən böyük İistilik Elektrik Stansiyasının təməlqoyma mərasimi keçirilib. Azərbaycan Respublikasının Prezidenti İlham Əliyev tədbirdə iştirak edib.
Dövlətimizin başçısı tədbirdə çıxış edərək demişdir: “Mingəçeviri nəinki Azərbaycanın, ümumiyyətlə, Qafqazın enerji mərkəzinə çevirən Ulu Öndər Heydər Əliyev olmuşdur”. Dövlət başçısı qeyd edib ki,Uiu Öndərin rəhbərliyi və təşəbbüsü ilə ötən əsrin 70-ci illərində, daha doğrusu, 1976-cı ildə Mingəçevirdə böyük elektrik stansiyasının təməli qoyulmuşdur. Böyük stansiyanın birinci bloku 1981-ci ildə Heydər Əliyevin şəxsi iştirakı ilə açılıb.
Cənab İlham Əliyev onu da əlavə edib ki, Mingəçevir Elektrik Stansiyasının önəmi İkinci Qarabağ müharibəsi zamanı bir daha bəlli oldu: “O vaxt döyüş meydanında məğlub olan Ermənistan Azərbaycanın mülki obyektlərini, o cümlədən Mingəçevir Elektrik Stansiyasını da uzaqmənzilli raketlərlə atəşə tutmuşdu. Bu raketlərin bir çoxu Azərbaycanın hava hücumuna qarşı müdafiə sistemləri tərəfindən məhv edildi. Yəni döyüş meydanında məğlub olan Ermənistan Azərbaycanın elektrik potensialının əsas mərkəzini sıradan çıxarmaq istəyirdi. Ancaq buna nail ola bilmədi. İlham Əliyev bildirib ki, indi isə Mingəçevir şəhərinin Azərbaycanın və bütün Qafqazın elektroenergetika mərkəzi kimi yeni dövrü başlayır, təxminən 1300 meqavat gücündə olan. Stansiya bizim potensialımızı böyük dərəcədə gücləndirəcək.
Yeni elektrik stansiyasının Azərbaycanın enerji təhlükəsizliyinə növbəti töhfə olacağını qeyd edən dövlət başçısı deyib ki, həm yeni iş yerləri açılacaq, həm də Azərbaycan öz imkanlarından tam istifadə edərək elektrenergetika və təbii qaz sahəsində daha böyük addımlar atacaq. Dövlət başçısı qeyd edib ki, illər keçdikcə istənilən infrastruktur köhnəlir, o cümlədən Mingəçevir Elektrik Stansiyasının yenidən qurulması əsas məsələlərdən biri idi.
2018-ci ildə stansiyanın yenidən qurulması prosesi başlayıb. Qısa müddətdə 8 blokun tamamilə yenidən qurulduğunu və istifadəyə verildiyini diqqətə çatdırıb. Prezident deyib: ”Beləliklə, 2020 – ci ildə stansiya , necə deyərlər, öz əzəli gücü ilə yenidən işləməyə başlamış və 2400 meqavat generasiya gücünə malik olmuşdur. Onu da bildirməliyəm ki,bərpa- yenidənqurma işləri nəticəsində təqribən 600 meqavatdan çox itirilmiş güclər bərpa edildi və bu da özlüyündə yeni bir stansiyanın tikintisi deməkdir”.
