Güclü dövlət bağışlamağı bacaran dövlətdir və Azərbaycan məhz belə bir dövlətdir
Heydər Əliyevin təşəbbüsü ilə qəbul edilmiş 7 amnistiya aktı nəticəsində 77 mindən artıq məhkum həbsdən azad edilərək ailələrinə və cəmiyyətə qovuşmuşdur.
Ölkə başçımız cənab İlham Əliyevin sürdüyü amnistiya təşəbbüsü müasir Azərbaycan dövlətçiliyinin siyasi yetkinliyinin bariz nümunəsidir.Bu addım bir daha sübut edir ki, qalib Azərbaycan dövləti yalnız gücü ilə deyil, eyni zamanda humanizmi, liberal dəyərləri, ədalətli və məsuliyyətli hüquq siyasəti ilə də nümunədir.Bu amnistiya təşəbbüsü hüquq, dövlətçilik,humanizm və mərhəmət prinsipləri, post-müharibə dövründə sosial reinteqrasiya,eləcə də Konstitusiyanın ölkənin bütün ərazilərində tam tətbiqi baxımından yüksək əhəmiyyət kəsb edir.
Bu amnistiya dövlətin öz qəhrəmanlarına, onların ailələrinə və bütövlükdə milli yaddaşa verdiyi yüksək dəyərin bariz göstəricisidir.
Yetkinlik yaşına çatmayan şəxslər də qanunvericilikdə xüsusi kateqoriya kimi nəzərdə tutulur. Bundan əlavə, qadınlar, xüsusilə azyaşlı uşaqları olan analar amnistiya aktlarında üstünlük verilən kateqoriyalar sırasında yer alır. 60 yaşdan yuxarı olan kişilər və 55 yaşdan aşağı olan qadınlar da müəyyən hallarda amnistiya düşə bilirlər.
