“ASAN” xidmətin iş təcrübəsi Pakistanda da tədbiq ediləcək
Nəsib İsmayılov
YAP Suraxanı rayon təşkilatının fəal üzvü
Suraxanı rayonu, Bülbülə Bələdiyyəsinin sədri
Azərbaycan Respublikasının Prezidenti İlham Əliyev cənabları Pakistanın Baş naziri Məhəmməd Şahbaz Şərifi ilə görüşü zamanı bildirmişdir ki, bu səfər ölkələrimiz arasında qardaşlıq əlaqələrini gücləndirəcək. Biz beynəlxalq təsisatlarda bir-birimizi dəstəkləməkdə davam edəcəyik. Bu gün çox geniş iqtisadi gündəliyi razılaşdırdıq və iqtisadi əməkdaşlığımıza, eləcə də sərmayə imkanlarına aid praktiki layihələri müzakirə etdik.
Azərbaycanın Pakistana sərmayələri ilə bağlı imzalanacaq sənədlərin bir ay ərzində hazırlanması məqsədilə artıq öz heyətlərimizə fəal çalışmaq təlimatlarını verdik. Mənim Pakistana dövlət səfərim zamanı rəsmən bəyan etdim ki, Azərbaycan Pakistanda müxtəlif layihələrə minimum 2 milyard dollar sərmayə yatırmağa hazırdır.
Prezident cənab İlham Əliyev bildirmişdir ki, münasibətlərimiz nəinki xalqlarımız, o cümlədən təmsil etdiyimiz regionlar üçün vacibdir. Pakistan ilə Azərbaycan arasında bu cür qardaşlıq münasibətlərini görmək iki qardaş müsəlman ölkəsi arasında tərəfdaşlığın yaxşı nümunəsidir. Biz beynəlxalq təsisatlarda hər zaman bir-birimizi dəstəkləyirik, ölkələrimizin ərazi bütövlüyünə, suverenliyinə güclü dəstək veririk və qeyd etdiyim kimi, qarşımızda çox geniş sərmayə gündəliyi dayanır.
Əminəm ki, bu gün əhatə edəcəyimiz bütün məsələlər, eləcə də bir çox digər sahələr üzrə işimiz Biznes Forumunda davam edəcək və aramızda daha sıx tərəfdaşlıq olacaq. Biz iqtisadi tərəfdaşlığımızı siyasi sahədəki səviyyəyə çatdırmalıyıq və bu, qarşılıqlı siyasi iradənin aydın təzahürünə çevriləcəyini bildirmişdir.
Azərbaycan Respublikasının Dövlət Neft Şirkəti (SOCAR) ilə “Frontier Works Organisation” (FWO) və “Pakistan State Oil Company Limited” şirkəti arasında Anlaşma Memorandumunu Azərbaycan Respublikasının Dövlət Neft Şirkətinin prezidenti Rövşən Nəcəf və “Frontier Works Organisation” şirkətinin Baş direktoru Abdul Sami mübadilə ediblər.
“Azərbaycan Respublikasının Naxçıvan Muxtar Respublikasının Naxçıvan şəhəri və Pakistan İslam Respublikasının Pəncab Əyalətinin Lahor şəhəri arasında mədəniyyət, turizm, şəhərsalma, təhsil, elm, iqtisadiyyat və ictimai həyatın digər müvafiq sahələrində əməkdaşlıq haqqında Anlaşma Memorandumu”nu Azərbaycanın xarici işlər naziri Ceyhun Bayramov və Pakistanın Baş nazirinin müavini, xarici işlər naziri Məhəmməd İşaq Dar mübadilə ediblər.
Pakistanın Baş naziri Məhəmməd Şahbaz Şərifi Azərbaycan Respublikasına səfərdə olduğu müddətdə Azərbaycan Respublikasının Prezidenti İlham Əliyevin təşəbbüsü və tapşırığı ilə Azərbaycanda yaradılmış Azərbaycan Respublikasının dövlət orqanları tərəfindən vətəndaşlara göstərilən xidmətlərin keçirilməsini təmin edən mərkəzdə “ASAN” xidmət mərkəzində də olub, oranın fəaliyyəti ilə tanış olmuşdur. Qeyd etmişdir ki, gələcəkdə “ASAN” xidmət mərkəzində gördüyü iş təcrübəsindən Pakistanda da tədbiq edəcəklərini bildirmişlər.
Pakistanın Baş naziri Məhəmməd Şahbaz Şərifinin Şuşa şəhərinə hava şəraiti ilə əlaqədar olaraq tərxirə salınmışdır. Baş nazir bildirmişdir ki, Azərbaycan Respublikasına gələcək səfərində Şuşa şəhərinə səfər edəcəkdir.
