YAP Suraxanı rayon təşkilatının ərazi partiya təşkilatında iclas keçirilib
Yeni Azərbaycan Partiyası Suraxanı rayon təşkilatının Əmircan qəsəbəsi Cabir Əliyev küçəsi 3 ünvanında yerləşən ərazi partiya təşkilatında yerli təşkilatın sədr müavini Salman Əbdülovun iştirakı ilə iclas keçirilmişdir. S.Əbdülov yığıncaq iştirakçılarını salamladı və gündəlikdə ƏPT-nin sədrinin seçilməsi məsələsinin olduğunu vurğulayaraq üzvlərdən ƏPT-yə sədr vəzifəsinə namizədin irəli sürülərək səsvermə ilə seçilməsini bildirdi.
ƏPT-də təmsil olunan üzvlər çıxış edərək Rəcəbova Mahru Fəxrəddin qızının namizədliyini irəli sürmüş, bu təklifə səsvermə yolu ilə münasibət bildirilməsini xahiş etmişlər. ƏPT-də təmsil olunan üzvlərin səs verməsi nəticəsində M.Rəcəbova sədr seçilmişdir. M.Rəcəbova çıxış edərək ona göstərilən etimada görə ƏPT üzvlərinə təşəkkürünü bildirmiş, kollektiv şəkildə partiyanın yaradıcısı Ümummilli Lider Heydər Əliyev irsinin, o cümlədən ölkə rəhbərimiz, YAP-ın sədri cənab İlham Əliyevin daxili və xarici siyasətinin təbliğində fəal iştirak edəcəklərini bildirdi.
YAP Suraxanı rayon təşkilatının sədr müavini Salma Əbdülov Əmircan qəsəbəsi Cabir Əliyev küçəsi 3 ünvanında yerləşən ərazi partiya təşkilatında gələcəkdə həyata keçiriləcək partiya fəaliyyəti, yeni üzvlərin qəbulu, qeydiyyat, uçot işlərinin səmərəli aparılması və ideoloji işin məqsədyönlü aparılması ilə bağlı öz tövsiyələrini vermiş, ƏPT-nin sədrinə uğurlar arzulamışdır.
Sonda partiya sıralarına yeni üzv olmuş Xalıqova Sayad Akif qızına vəsiqə təqdim edildi.
