YAP Suraxanı rayon təşkilatının nümayəndələri şəhid əsgər Hüseynzadə Fəridin ailəsini ad günü münasibəti ilə ziyarət etmişlər

18 may 2022-ci il tarixdə Yeni Azərbaycan Partiyası Suraxanı rayon təşkilatının nümayəndələri şəhid əsgər Hüseynzadə Fərid Eldəniz oğlunun doğum günü münasibəti ailəsini ziyarət etmişlər

YAP Suraxanı rayon təşkilatının sədri Vüqar Seyidov və təşkilatın nümayəndələri Suraxanı rayonu Bülbülə qəsəbə sakini olmuş Vətən Müharibəsi şəhidi əsgər Hüseynzadə Fəridin ailəsinin qayğıları ilə maraqlanmışlar. YAP Suraxanı rayon təşkilatının sədri Vüqar Seyidov şəhidimizin əziz xatirəsini bir daha yad edərək Allahdan rəhmət diləmişdir.

Qeyd edək ki, şəhid əsgər Hüseynzadə Fərid Eldəniz oğlu Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin müvafiq sərəncamları ilə “Vətən uğrunda”, “İgidliyə görə” və “Füzulinin azad olunmasına görə ” medalları ilə təltif edilmişdir.

Göstərilən diqqət və qayğıya görə şəhidin ailə üzvləri cənab Prezident İlham Əliyevə,  Birinci vitse-prezident çox hörmətli Mehriban xanım Əliyevaya və Yeni Azərbaycan Partiyasına öz dərin minnətdarlıqlarını bildirmişlər.