YAP Suraxanı rayon təşkilatının nümayəndələri şəhid Sənan Əhmədovun övladlarının ad günlərində iştirak etmişlər

  Suraxanı şəhidləri   Sen 26, 2022   0   229  Oxu siyahısına əlavə edin
YAP Suraxanı rayon təşkilatının nümayəndələri şəhid Sənan Əhmədovun övladlarının ad günlərində iştirak etmişlər
Canlarını, sağlamlıqlarını vətənin bütövlüyü uğrunda qurban verən vətənpərvərlərin əmanətləri olan ailələri, övladları unudulmur və onlar istər dövlət orqanları, istərsə də cəmiyyətimiz tərəfindən ali diqqət, sevgi və qayğı ilə əhatələnirlər.
Azərbaycanın rəşadətli ordusunun qəhrəman hərbiçisi cənab Ali Baş Komandan İlham Əliyev tərəfindən “Vətən uğrunda” və “Füzulinin azad olunması” medalları ilə təltif olunmuş əsgər (MAHHXHQ) Əhmədov Sənan Qalasən oğlunun oğlu İbrahimin 10, qızı Nurayın isə 7 yaşı tamam olur.
Bu münasibət Yeni Azərbaycan Partiyası Suraxanı rayon təşkilatının nümayəndələri ailəni ziyarət edərək, şəhidin övladlarını təbrik etmiş, doğum gününü qeyd edən balalarımıza hədiyyələr təqdim edərək, şəhid ailəsinin qayğıları ilə maraqlanılmışlar.
Sonda şəhid ailəsi dövlət başçısı, Müzəffər Ali Baş Komandan cənab İlham Əliyevə, Birinci vitse-prezident çox hörmətli Mehriban xanım Əliyevaya və Yeni Azərbaycan Partiyasına şəhid ailələrinə göstərdikləri diqqət, sevgi və qayğıya görə öz dərin minnətdarlıqlarını bildirmişlər.