YAP Suraxanı rayon təşkilatının nümayəndələri Milli Qəhrəmanlar Polad Həşimovun və İlqar Mirzəyevin məzarlarını ziyarət etmişlər

1 avqust 2024-cü il tarixdə Yeni Azərbaycan Partiyası Suraxanı rayon təşkilatının sədri Vüqar Seyidov və bir qrup şəhid ailə üzvləri birgə II Fəxri Xiyabanda  Azərbaycanın Milli Qəhrəmanı,  Azərbaycan Silahlı Qüvvələrinin general-mayoru, Azərbaycan Silahlı Qüvvələrinin 3-cü Ordu Korpusunun Komandir müavini - Qərargah rəisi şəhid Polad Həşimovun və Azərbaycanın Milli Qəhrəmanı,  Azərbaycan Silahlı Qüvvələrinin polkovniki,  Azərbaycan Silahlı Qüvvələrinin 3-cü Ordu Korpusunun Artilleriya rəisi İlqar Mirzəyevin əbədi istirahətgahlarını ziyarət etmiş, tər güllər düzmüş, dualar oxumuşlar.

Ziyarət əsnasında yerli təşkilatın sədri Vüqar Seyidov qeyd etmişdir ki, general-mayor Polad Həşimovun və polkovnik İlqar Mirzəyevin 2020-ci il iyulun 14-də səhər radələrində Tovuz rayonu istiqamətində tabeliklərində olan əsgərlərlə bir yerdə döyüş zamanı ön xətdə şəhid olmaları II Qarabağ müharibəsinin əks-həmlə döyüş əməliyyatlarının başlanmasında böyük rol oynamışdır.