Xocalı Memorial Kompleksi yalnız keçmişin xatirəsi deyil, gələcəyin də məsuliyyətidir
Məryəm Süleymanova
YAP Suraxanı rayon təşkilatının üzvü
Suraxanı rayonu, 76 nömrəli tam orta məktəbin müəllimi
Prezident İlham Əliyevin Xocalı Soyqırımı Memorialının açılışında etdiyi çıxış Azərbaycanın tarixi yaddaşı, ədalətə sadiqliyi və dövlət iradəsinin təntənəsi kimi dəyərləndirilə bilər. İki il əvvəl təməli qoyulan Memorial Kompleks bu gün təkcə bir abidə deyil, həm də xalqın keçdiyi ağır yolun, çəkdiyi ağrıların və qazandığı qələbənin simvoludur.
Dünyada az sayda ölkə var ki, həm ədalətli müharibədə qəti qələbə qazansın, həm ərazi bütövlüyünü bərpa etsin, həm də müharibə cinayətlərinin hüquqi müstəvidə araşdırılmasına nail olsun. Azərbaycan bu nadir nümunələrdən biri kimi tarixə düşmüşdür. Memorial Kompleksin timsalında xalqın əyilməz ruhu, milli həmrəyliyi və gələcəyə inamı aydın görünür.
Heydər Əliyev Fondunun təşəbbüsü ilə başlanan “Xocalıya ədalət!” beynəlxalq maarifləndirmə kampaniyası dünya ictimaiyyətinə həqiqətlərin çatdırılmasında mühüm rol oynamışdır. Bu təşəbbüs nəticəsində Xocalı faciəsi qlobal miqyasda daha geniş tanınmış, ədalətin bərpası istiqamətində mühüm addımlar atılmışdır.
44 günlük Vətən müharibəsi Azərbaycanın tarixində dönüş nöqtəsi olmuşdur. Bu müddətdə Azərbaycan Ordusu düşməni məğlubiyyətə uğratmış, kapitulyasiya aktına imza atılmasına nail olmuş və işğala son qoyulmuşdur. Bu qələbə yalnız hərbi uğur deyil, həm də siyasi iradənin, xalq birliyinin və dövlət gücünün təzahürü kimi qiymətləndirilir.
Azərbaycan xalqı müharibə dövründə mülki əhaliyə qarşı məqsədli hərbi əməliyyatlar aparmamaqla humanist mövqeyini nümayiş etdirmişdir. Bu yanaşma xalqın mənəvi ucalığını və beynəlxalq hüquqa hörmətini bir daha göstərmişdir.
Azərbaycan öz gücü ilə ədaləti təmin etmişdir. Vətən müharibəsi nəticəsində əldə olunan zəfər regionda yeni reallıqlar yaratmışdır. Bu gün Azərbaycan qalib dövlət kimi regionda sülhün və sabitliyin təmin olunmasına töhfə verməyə davam edir.
Beləliklə, Xocalı Memorial Kompleksi yalnız keçmişin xatirəsi deyil, həm də gələcəyin məsuliyyətidir — milli yaddaşın, dövlətçilik ruhunun və tarixi ədalətin əbədiləşdirilmiş
