Vətən müharibəsi şəhidi Qoşqar Aslanov anım günündə ehtramla yad edilib

07 avqust Vətən Müharibəsi şəhidi Aslanov Qoşqar Şahmalı oğlunun anım günü münasibəti ilə Yeni Azərbaycan Partiyası Suraxanı rayon təşkilatının sədr müavini Salman Əbdülovun, Suraxanı Rayon İcra Hakimiyyətinin sektor müdiri – şöbə müdirinin müavini Elmar Hüseynovun və digər rəsmi şəxslərin, şəhid ailə üzvülərinin, ictimaiyyət nümayəndələrinin iştirakı ilə Yeni Suraxanı qəsəbəsi qəbirstanlığında şəhidin məzarı ziyarət olunmuş, önünə gül dəstələri düzülərək dualar oxunmuş, ruhu böyük ehtiramla anılmışdır.

Şəhidin ad günündə qəhrəman vətən övladlarının ailələrinə qayğı göstərməyə cəmiyyətimizin daima borclu olduğunu ifadə edən YAP Suraxanı rayon təşkilatının sədr müavini Salman Əbdülov cənab Ali Baş Komandan İlham Əliyev tərəfindən bütün şəhidlərimizin xatirəsinin əziz tutulduğunu vurğulamış, Ali rəhbərin Vətən müharibəsi şəhidlərinə olan diqqətinin hər kəsə nümunə olduğunu bildirmişdir.

Göstərilən diqqət və qayğıya görə şəhidin ailə üzvləri cənab Prezident İlham Əliyevə, Birinci vitse-prezident çox hörmətli Mehriban xanım Əliyevaya və Yeni Azərbaycan Partiyasına öz dərin minnətdarlıqlarını bildirmişlər.