Vətən müharibəsi Şəhidi Nazim Kirxlarov anım günündə ehtiramla yad edilib
Müzəffər Ali Baş Komandan cənab İlham Əliyevin rəhbərliyi ilə Azərbaycanın suverenliyi və ərazi bütövlüyü uğrunda Şanlı Ordumuzun qələbə qazandığı 44 günlük Vətən Müharibəsində qəhrəmancasına döyüşərək Şəhidlik zirvəsində ucalan, "3-cü dərəcəli Vətənə xidmətə görə" ordeni, “Vətən uğrunda”, "Cəbrayılın azad olunmasına görə", “Qubadlının azad olunmasına görə”, “Laçının azad olunmasına görə” medallarına layiq görülən Şəhid Kirxlarov Nazim Nadir oğlu anım günündə ehtiramla yad edilib.
Anım günü ilə əlaqədar , YAP Suraxanı Rayon Təşkilatının sədri Vüqar Seyidov, Suraxanı Rayon İcra Hakimiyyətinin şöbə müdiri Elmar Hüseynov, Əmircan Bələdiyyəsinin sədri Cəmilə Ağayeva, Şəhid ailələri və qazilər, rayonun idarə, müəssisə və təşkilatlarının nümayəndələri, şəhidin məzun olduğu 226 saylı tam orta məktəbin direktoru, şəhid anası Arzu Məmmədova və məktəbin pedaqoji kollektivi Əmircan qəsəbəsi Şəhidlər Xiyabanda məzarını ziyarət edib. Vətənimizin ərazi bütövlüyü uğrunda canından keçmiş bütün şəhidlərimizin xatirəsi yad edilib, ruhlarına dualar oxunub.
