Suraxanı rayonunda YAP üzvləri ilə görüşlər uğurla davam edir

Gündəlik fəaliyyət Mar 15, 2024 0 272 Oxu siyahısına əlavə edin

YAP Suraxanı rayon təşkilatının Zığ qəsəbəsi, Zığ şossesi Yataxana 1 ünvanında yerləşən ərazi partiya təşkilatında yerli təşkilatın məsləhətçisi Ənvər Haqverdiyev və əməkdaşı Dilarə Əzizovanın iştirakı ilə görüş keçirilmişdir. ƏPT-nın sədri Abdulla Məmmədov çıxış edərək yığıncaq iştirakçılarını salamlamış, iclasın gündəliyində 1 məsələnin – ƏPT-da ideoloji işin gücləndirilməsi və səmərəliliyin artırılması ilə əlaqədar olaraq görüləcək işlər haqqında məlumat verdi. Abdulla Məmmədov yerli təşkilatın təlimatlarının icrası, yeni üzvlərin qəbulu, üzvlük haqlarının vaxtında ödənilməsinin təmin edilməsi, qeydiyyat-uçot işlərinin operativ və səmərəli aparılması, ideoloji işin məqsədyönlü qurulması, sosial şəbəkələrdə və dövrü mətbuatda partiya üzvlərinin fəallıqlarının artırılması ilə bağlı geniş məlumat verdi.

ƏPT-nin sədr müavini Seyid Seyidov, partiya üzvləri Hüseyn Vəliyev, Mehman Kərimov, Nurlana Həbibova, Vəfa Bayramova təmsil olunduqları peşə sahələrində aparılan islahatlar, yeniliklər haqqında, o cümlədən gənclərin ictimai – siyasi həyatda rolu, onların fəallığı, ölkənin siyasi həyatında partiyaların rolu haqqında çıxış etdi.

Yeni Azərbaycan Partiyası Suraxanı rayon təşkilatının məsləhətçisi Ənvər Haqverdiyev də, öz növbəsində partiya üzvlərini salamlamış və 7 fevral növbədənkənar prezident seçkilərində əldə olunmuş qələbə münasibəti ilə YAP üzvlərini təbrik etmişdir. Yerli təşkilatın məsləhətçisi vurğulamışdır ki, andiçmə mərasimində çıxışı zamanı ölkə başçısı, YAP-ın sədri cənab İlham Əliyev yeni dövrün yeni meyyarlarını, yeni yol xəritəsini açıqlamışdır. Hər bir ölkəsini, Vətənini sevən vətənpərvər bundan sonra da öz rəhbərinin ətrafında sıx birləşərək əldə olunmuş zəfərlərin davam etməsinə, islahatların uğurla keçirilməsinə öz töhfəsini verməlidir. Bu yolda hər bir YAP üzvünün böyük əzmlə çalışmalı olduğunu vurğulayan Ənvər Haqverdiyev Zığ qəsəbəsi, Zığ şossesi Yataxana 1 ünvanında yerləşən ərazi partiya təşkilatına fəaliyyətində uğurlar arzulamışdır.

YAP Suraxanı rayon təşkilatının əməkdaşı Dilarə Əzizova YAP üzvləri qarşısında ƏPT-lərdə ideoloji işin gücləndirilməsi, səmərəliliyinin artırılması, Ulu Öndər Heydər Əliyev siyasi irsinin öyrənilməsi, onun dövlətçilik ənənələrinin təbliği, Azərbaycan Respublikasının Prezidenti, YAP-ın sədri cənab İlham Əliyevin fəaliyyətinin əhaliyə operativ, düzgün və əhatəli formada çatdırılmasının təşkili, YAP Suraxanı rayon təşkilatının maliyyə - uçot işinin təkmilləşdirilməsi, YAP Suraxanı rayon təşkilatının fəallarının dövrü mətbuatda və sosial şəbəkələrdə aktivliklərinin artırılması, təbliğat işinin gücləndirilməsi, ƏPT-lərdə üzvlərin, xüsusilə gənclərin fəallıqlarının artırılması, onların keçirilən tədbirlərdə iştiraklarının təmin olunması barədə ətraflı çıxış edərək öz tapşırıq və tövsiyyələrini görüş iştirakçılarının diqqətinə çatdırdı.