Suraxanı rayonu 226 nömrəli tam orta məktəbdə “Şuşa ili” nə həsr olunmuş tədbir keçirilib

Gündəlik fəaliyyət Dek 21, 2022 0 383 Oxu siyahısına əlavə edin

21 dekabr 2022-ci il tarixində Suraxanı rayonu 226 nömrəli tam orta məktəbdə “Şuşa ili” nə həsr olunmuş tədbir keçirilib. Tədbirdə Suraxanı Rayon İcra Hakimiyyətinin başçısı, Yeni Azərbaycan Partiyası Suraxanı rayon təşkilatının sədri Vüqar Seyidov, digər rəsmi şəxslər, 226 nömrəli məktəbin rəhbərliyi, müəllim və şagirdlər iştirak edib. Tədbirin əvvəlində Dövlət Himni səsləndirilib, videoçarx nümayiş olunub. Əziz şəhidlərimizin xatirəsi bir dəqiqəlik sükutla yad edilib.

Tədbiri giriş sözü ilə açan Suraxanı rayonu 226 nömrəli tam orta məktəbin drektoru, Arzu Məmmədova bildirmişdir ki, bu tədbirlərin keçirilməsində məqsəd müasir və müstəqil Azərbaycançılıq ideyalarının və xalqımızın qəhrəmanlıq salnaməsinin, şanlı qələbəmizin təbliği, milli-mənəvi dəyərlərimizi özündə yaşadan, tarixi əhəmiyyəti ilə xalqımız üçün müstəsna dəyərə malik olan Qarabağın, o cümlədən Şuşanın zəngin mədəniyyətini, tarixini təbliğ etmək, yetişməkdə olan gənc nəslə çatdırmaqdır.

Daha sonra şagirdlərin ifasında qələbəmizə, işğaldan azad olunmuş torpaqlarımıza həsr olunmuş ədəbi-bədii kompozisiya nümayiş etdirilib. Məktəbin foyesində Şanlı qələbəmizə həsr olunmuş sərgi təşkil olunub. Vətənpərvərlik mövzusunda hazırlanmış səhnəciklər, şeirlər, mahnılar, rəqslər nümayiş olunub.

Tədbirdə çıxış edən RİH-nin başçısı Əziz Əzizov bildirib ki, məhz Ali Baş Komandan İlham Əliyevin və müzəffər Azərbaycan Ordusunun şücaəti sayəsində Şuşa arzumuz gerçəkləşib, mədəniyyət beşiyi olan Şuşa şəhəri və digər ərazilərimiz özümüzə qaytarılıb. 2022-ci ilin “Şuşa ili” elan olunması bu baxımdan böyük tarixi əhəmiyyətə malikdir.

Yeni Azərbaycan Partiyası Suraxanı rayon təşkilatının sədri Vüqar Seyidov çıxış edərək demişdir ki, Mədəni həyat hər bir şəhəri pasportudur. İnsanlar yaşamaq üçün hər yerdə səbəb tapırlar. Lakin mənalı ömür sürmək hər bir şəhər sakininin arzusudur. Şuşa əsası qoyulduğu gündən, 270 ildir ki, Azərbaycan, türk və müsəlman mədəniyyətinin mərkəzlərindən biri olmuşdur. İşğal altındakı 30 illik müddəti nəzərə almasaq, Qafqazın konservatoriyası olan Şuşa sözün bütün mənalarında mədəniyyətin bütün sahələri üzrə əsas mərkəz rolunu oynamışdır.