COP29 sammiti qlobal əməkdaşlığın inkişafı üçün böyük bir imkan yaradacaq
Aygün Qəhrəmanova
YAP Suraxanı rayon təşkilatının fəal üzvü
Suraxanı rayonu, "Göyərçin" körpələr evi və uşaq bağçasının müdiri
2024-cü il noyabrın 12-də Bakı şəhərində keçirilən BMT-nin İqlim Dəyişikliyi üzrə Konfransının (COP29) Liderlər Sammitinin açılış mərasimində Azərbaycan Prezidenti İlham Əliyev əhəmiyyətli bir çıxış edib. Sammitin ilk günündə dünya liderləri ilə bir araya gələn Prezident Əliyev, qlobal iqlim dəyişikliyi ilə mübarizənin vacibliyini vurğulayıb və Azərbaycanın bu sahədəki rolu ilə bağlı geniş məlumat verib.
Prezident İlham Əliyev, çıxışında iqlim dəyişikliyinin bütün dünyanı təhdid edən bir təhlükə olduğunu qeyd edib. O, qeyd edib ki, bu qlobal problemlə mübarizədə hər bir ölkənin öz üzərinə düşən vəzifələri yerinə yetirməli olduğunu vurğulayıb. Azərbaycan olaraq bu məsuliyyəti ciddi şəkildə qəbul etdiklərini bildirən Prezident, ölkənin davamlı inkişaf strategiyasının bir hissəsi olaraq, bərpa olunan enerji mənbələrinə yatırım etdiyini və karbon emissiyalarını azaltmaq üçün konkret hədəflər qoyduğunu diqqətə çatdırıb.
Azərbaycanın, beynəlxalq miqyasda enerji təhlükəsizliyi və iqlim dəyişikliyi ilə mübarizəyə mühüm töhfələr verdiyini ifadə edən İlham Əliyev, COP29 sammitinin bu sahədə qlobal əməkdaşlığın inkişafı üçün böyük bir imkan yaratdığını bildirib. Dövlət başçısı, iqlim siyasətində səmərəli əməkdaşlıq və təcrübə mübadiləsinin vacibliyini qeyd edərək, Azərbaycanın bu sahədəki innovativ təşəbbüslərinə diqqət çəkib.
Azərbaycanın gələcəkdə yaşıl enerji sahəsində daha çox layihə həyata keçirməyi planlaşdırdığını qeyd edən Prezident, ölkənin enerji sektorundakı müasir və davamlı inkişafı hədəflədiyini söyləyib. Bu baxımdan, Azərbaycanın dünya miqyasında bərpa olunan enerji ilə bağlı böyük potensiala sahib olduğunu vurğulayıb. Prezident Əliyev, iqlim dəyişikliyi ilə mübarizədə ölkələrin yalnız daxili siyasətlərini deyil, eyni zamanda, beynəlxalq aləmdəki fəaliyyətlərini də uyğunlaşdırmalı olduqlarını bildirdi. O, Azərbaycanın iqlim diplomatiyasına önəm verdiyini və bu istiqamətdə qlobal tədbirlərdə fəal iştirakını davam etdirəcəyini bəyan etdi.
Prezident, eyni zamanda, Azərbaycanın Paris İqlim Sazişi və digər beynəlxalq protokollar çərçivəsində öhdəliklərinə tam əməl etdiyini qeyd edərək, bu sahədə hərəkətə keçmək üçün daha böyük qlobal koalisiyaların yaranmasının vacibliyini vurğuladı.
