Azərbaycanda sosial müavinətlərin məbləğləri artırıldı

Bununla bağlı Prezident İlham Əliyev Fərman imzalayıb.
1.Yaşa görə sosial müavinətin məbləği 220 (iki yüz iyirmi) manat;
2. orqanizmin funksiyalarının 81–100 faiz pozulmasına görə əlilliyi müəyyən edilmiş şəxslərə sosial müavinətin məbləği 270 (iki yüz yetmiş) manat, orqanizmin funksiyalarının 61–80 faiz pozulmasına görə əlilliyi müəyyən edilmiş şəxslərə sosial müavinətin məbləği 220 (iki yüz iyirmi) manat, orqanizmin funksiyalarının 31–60 faiz pozulmasına görə əlilliyi müəyyən edilmiş şəxslərə sosial müavinətin məbləği 150 (yüz əlli) manat;
3. Ailə başçısını itirməyə görə sosial müavinətin məbləği 120 (yüz iyirmi) manat;
4. Bir yaşınadək uşağı olan aztəminatlı ailələrə sosial müavinətin məbləği hər uşaq üçün 100 (bir yüz) manat;
5. Radiasiya qəzası nəticəsində zərər çəkmiş şəxslərə hər il müalicə üçün sosial müavinətin məbləği 300 (üç yüz) manat;
6. Uşağın anadan olmasına görə sosial müavinətin məbləği 500 (beş yüz) manat;
7. Dəfn üçün sosial müavinətin məbləği 500 (beş yüz) manat.