Azərbaycan və Latviya arasında intensiv siyasi dialoq mühiti mövcuddur
Səma Alıyeva
YAP Suraxanı rayon təşkilatının fəal üzvü
Suraxanı rayonu, 14 saylı körpələr evi və uşaq bağçasının tərbiyəçisi
Cənubi Qafqaz regionunda son dövrlərdə müşahidə olunan geosiyasi dəyişikliklər yeni reallıqların formalaşdığını göstərir. Azərbaycan ilə Ermənistan arasında münasibətlərin normallaşması istiqamətində atılan addımlar regionda uzunmüddətli sabitliyin təmin olunması üçün mühüm əhəmiyyət kəsb edir. Azərbaycan və Latviya prezidentləri arasında keçirilmiş görüş zamanı bu qəbildən olan regional məsələlər müzakirə olunmuşdur.
Ölkələrarası qarşılıqlı müzakirələr mövcud problemlərin həlli istiqamətində çıxış yollarının daha çevik və praqmatik şəkildə müəyyənləşdirilməsinə imkan yaradır. Ticarət əlaqələrinin bərpası, iqtisadi qarşılıqlı fəaliyyət və vətəndaş cəmiyyəti səviyyəsində təmasların genişlənməsi bu modelin əsas elementlərini təşkil edir.
Sabitlik olmadan iqtisadi layihələrin həyata keçirilməsinin mümkün olmadığı kimi, iqtisadi inkişaf olmadan da uzunmüddətli sülhün təmin olunması çətindir. Azərbaycan bu iki komponenti paralel şəkildə inkişaf etdirməklə regionda yeni təhlükəsizlik arxitekturasının formalaşmasına töhfə verir.
Azərbaycan və Latviya prezidentləri arasında keçirilmiş görüş zamanı müzakirə olunan əsas məsələlərdən biri də regional təhlükəsizlik və sülh prosesi olmuşdur. Müasir beynəlxalq münasibətlər sistemində təhlükəsizlik anlayışı genişlənərək hərbi-siyasi komponentlərlə yanaşı iqtisadi, enerji və humanitar aspektləri də əhatə edən kompleks kateqoriyaya çevrilmişdir.
Azərbaycan və Latviya arasında intensiv siyasi dialoq mühiti mövcuddur. Xüsusi ilə siyasi dialoqun intensivləşməsi və qarşılıqlı etimadın tədricən formalaşması sülh prosesinin davamlı xarakter aldığını göstərir. Mətbuata verilən bəyanatda vurğulanan de-fakto sülh anlayışı müasir beynəlxalq münasibətlərdə yeni yanaşma kimi çıxış edir. Bu yanaşma formal hüquqi sənədlərin imzalanmasını gözləmədən praktik əməkdaşlığın qurulmasını nəzərdə tutur.
Nəticə olaraq qeyd edə bilərik ki, Azərbaycanın ikili və beynəlxalq münasibətlərdə tətbiq etdiyi model münaqişədən inkişaf mərhələsinə keçid konsepsiyası kimi xarakterizə oluna bilər. Bu modelin əsas xüsusiyyəti təhlükəsizlik və iqtisadi inkişafın paralel şəkildə təmin edilməsidir.
