Aparılan müzakirələr Azərbaycan-Gürcüstan münasibətlərinin daha da möhkəmlənməsinə xidmət edir  

Nabat Abdulova

YAP Suraxanı rayon təşkilatının ƏPT-nin sədri
Respublika  Reabilitasiya  Mərkəzinin  direktoru

2026-cı il aprelin 6-da Azərbaycan Respublikasının Prezidenti İlham Əliyev Gürcüstanda rəsmi səfərdə olmuşdur. Səfər çərçivəsində keçirilən görüşlərdən sonra dövlət başçısı mətbuata bəyanatla çıxış etmişdir. Prezident bəyanatında Azərbaycan ilə Gürcüstan arasında mövcud olan strateji tərəfdaşlıq münasibətlərinin yüksək səviyyədə inkişaf etdiyini vurğulamışdır. Bildirilmişdir ki, iki ölkə arasında siyasi dialoq mütəmadi xarakter daşıyır və qarşılıqlı etimada əsaslanır.

Dövlət başçısı qeyd etmişdir ki, Azərbaycan-Gürcüstan əməkdaşlığı region üçün mühüm əhəmiyyət kəsb edir. Xüsusilə enerji və nəqliyyat sahələrində həyata keçirilən birgə layihələrin regionun iqtisadi inkişafına və enerji təhlükəsizliyinə töhfə verdiyi diqqətə çatdırılmışdır. Bu kontekstdə mövcud enerji və nəqliyyat dəhlizlərinin əhəmiyyəti vurğulanmışdır.

Prezident İlham Əliyev həmçinin iki ölkə arasında iqtisadi əlaqələrin genişləndirilməsi üçün böyük potensialın olduğunu qeyd etmiş, ticarət dövriyyəsinin artırılması və yeni investisiya imkanlarının araşdırılması istiqamətində işlərin davam etdirildiyini bildirmişdir. Bəyanatda regional təhlükəsizlik məsələlərinə də toxunulmuş, sabitlik və təhlükəsizliyin təmin edilməsinin ölkələr arasında əməkdaşlığın əsas prioritetlərindən biri olduğu vurğulanmışdır.

Səfər çərçivəsində keçirilən görüşlərin və aparılan müzakirələrin Azərbaycan-Gürcüstan münasibətlərinin daha da möhkəmlənməsinə xidmət etdiyi qeyd olunmuşdur. Prezident vurğulamışdır ki, qarşılıqlı səfərlər və yüksək səviyyəli təmaslar əlaqələrin inkişafında mühüm rol oynayır.