Abşeron yarımadası üçün duzsuzlaşdırma zavodunun tikintisi olacaq
YAP Suraxanı rayon təşkilatının fəal üzvü
Suraxanı rayonu 270 saylı körpələr evi və uşaq bağçasının müdiri
2026- 2035-ci illəri əhatə edən Dövlət Proqramına həsr olunmuş müşavirdə çıxış edən Prezident İlham Əliyev Bakı şəhəri və Abşeron yarımadasında su təchizatı, tullantı və yağış suları sistemlərinin təkminləşdirilməsinə diqqət çəkmişdi. Yanvarın 12-də Azərbaycan Respublikasının Prezidenti İlham Əliyevin sədirliyi ilə müşavirə keçirildi. Bu müşavirə təkcə kommunal təsərrüfatının yenilənməsi kimi deyil, ölkənin su təhlükəsizliyi və şəhər dayanıqlığı baxımından yeni mərhələnin başlanğıcı kimi qiymətləndirilə bilər. Bakı şəhəri, onun qəsəbələri, Sumqayıt və Abşeron rayonu dayanıqlı, fasiləsiz və keyfiyyətli içməli su ilə təmin etmək, eyni zamanda tullantı sularının təmizlənməsini, kanalizasiya şəbəkələrinin genişləndirilməsi və leysan sularının idarə olunmasını yeni standartları tədbiq etmək əsas məqsəddir.
Bütün bu işlərlə bağlı Prezident İlham Əliyev sərəncam imzalayıb. Sərəncamla Nazirlər kabineti Dövlət Proqramında nəzərdə tutulmuş tədbirlərin həyata keçirilməsini əlaqələndirməli və icrasına nəzarət etməlidir. Dövlət proqrmında nəzərdə tutlan tədbirin icra vəziyyəti barədə ildə bir dəfə Azərbaycan Respublikasının Prezidentinə məlumat verilməli, bu Sərəncamdan irəli gələn digər məsələləri həll etməlidir..
Son 20 ildə ölkənin enerji, yol, qazlaşdırılması və elektrik təminatı kimi əsas infrastruktur sahələrinin tamamı ilə yenilənməsi fonunda su təhlükəsizliyi problemi dövlətin uzunmüddətli inkişaf gündəliyində prioritet mövqeyə malikdir.
Prezidentin vurğuladığı kimi, Bakının su problemi təkcə istehlak artımı ilə bağlı deyil, həm də itkilərin yüksək olması, mövcud resusların mövsümü aslılıq göstərməsi və iqlim dəyişikliyinin yaratdığı qeyri- müəyiyənliklə əlaqəlidir.
Bu baxımdan 2026-2035-ci illəri əhatə edən yeni Dövlət proqramının qəbul olunması su sektorunun təkcə yenilənməsi deyil, əsaslı struktur transformasiyasını nəzərdə tutur.
Çıxışı zamanı Prezident bildirib ki, daxili su ehtiyatının böyük hissəsinin azad edilmiş ərazilərdə formalaşması Azərbaycanın bu sahədə illərdir mövcud olan aslılığı azaltdı. Su anbarlarının yenilənməsi, 30-a yaxın yeni anbarın tikilməsi, yağış sularının idarə olunması üçün kollektor sistemlərinin qurulması, kanalizasiya layihələrinin 95 faiz əhatəyə çatdırılması və ilk dəfə olaraq Xəzər suyunun duzsuzlaşdırılması kimi addımlar ölkənin su mənbələrinin diversifikasiya etmək niyyətini göstərir.
Bu proqram əsasən əhalinin fasiləsiz olaraq içməli su ilə təmin edilməsinə, kənd təsərrüfatı və sənaye üçün dayanıqlı təminatına yönlənib.
Bakı və Abşeron yarımadasında əhalinin sürətlə artımı, yeni yaşayış massivlərinin salınması su və kanalizasiya sisteminə əlavə yük yaradır. Bundan başqa iqlim dəyişikliyi içməli su ehtiyatını azaldır. Buna görə də qənaətçil və sərfəli idarəetmə mexanizmini yaratmaq baxımından bu lazımdır.
İcməli suyun keyfiyyətini yüksəltmək, tullantı sularını təmizləmək, yağış sularının sistem üzrə idarə olunması əsas məqsəddir.2026-2035-ci illər üzrə Dövlət Proqramı Bakı, Abşeron və Sumqayıt üçün dayanıqlı inkişafını etibarlı təməlini formalaşdıracaq.
Prezidentin çıxışı zamanı diqqət çəkən məqamlardan biri də bu oldu ki, Abşeron yarımadası üçün duzsuzlaşdırma zavodunun tikintisi olacaq. Bu layihə ilk dəfə ölkədə həyata keçiriləçək və sırf xarici investisyalar hesabına icra olunacaq. Duzsuzlaşdırılmış dəniz suyu suvarma üçün mənbə yaradacaq. Eyni zamanda Ceyranbatan su anbarının dayanıqlı təminatı, Oğuz-Qəbələ-Bakı su kəmərinin strateji rolu, Samur-Abşeron kanalının infrastrukturunun inkişafı bir daha öz planına çıxır. Bütün bunlar olmasaydı Bakı şəhərinin su qıtlığı daha kəskin formada hiss oluna bilərdi.
Taxta körpü su anbarının tikintisini tarixi bir layihədir. 270 miliyon kubmetr su tutumu olan bu anbarın xüsusi əhəmiyyəti ondadır ki, Samur çayının suları orda yığılır,təbii yolla təmizlənir, Ceyranbatan anbarına gəlir. Əsas məsələ odur ki, Bakı şəhərinə keyfiyyətli suyun verilməsi artıq mümkündür.
Beləliklə də Prezidentin çıxışı Azərbaycanın gələçəkdə milli təhlükəsizlik və inkişaf modelinin əsas dayanıqlarından birinə çevirəçək yəni strateji mərhələnin başlanğıçını, su ehtiyatlarının idarə edilməsini işarəliyir.
