15 İyun - Qurtuluş Günü Azərbaycanın Müstəqillik Yolunda Ulu Öndər Heydər Əliyevin Tarixi Rolu
Yeganə Allahverdiyeva
YAP Suraxanı rayon təşkilatının üzvü
Suraxanı rayonu, 285 nömrəli tam orta ümumtəhsil məktəbinin müəllimi
“Mənim həyatım da, fəaliyyətim də yalnız və yalnız Azərbaycanın müstəqilliyinin qorunub saxlanmasına, ölkəmizin bu ağır vəziyyətdən qalxmasına həsr olunacaqdır” – Ulu Öndər Heydər Əliyev. Bu sözlər təkcə bir bəyanat deyil, həm də bütöv bir dövlətçilik yolunun proqramıdır. Azərbaycan müstəqilliyini yenicə bərpa etdiyi bir dövrdə ciddi təhlükələrlə üz-üzə idi və bu təhlükələrdən çıxış yolu yalnız güclü liderlikdən keçirdi. Ulu Öndər Heydər Əliyevin siyasi hakimiyyətdən getməsindən sonra ölkədə problemlər yaşanmağa başladı Ulu Öndər hakimiyyətdən uzaqlaşdıqdan sonra ölkədə idarəetmədə boşluq yarandı. Dövlət qurumları zəiflədi, siyasi sabitlik pozuldu, iqtisadi tənəzzül sürətləndi. Bu dövr Azərbaycan tarixində ən mürəkkəb mərhələlərdən biri kimi yadda qaldı.
Müstəqilliyin ilk illərində yaşanan problemlər Müstəqilliyin ilk illərində Azərbaycan ciddi çətinliklərlə üzləşdi. İqtisadi böhran, sosial problemlər, müharibə vəziyyəti və siyasi xaos ölkəni zəiflədirdi. İnsanlar gündəlik həyatlarında çətinlik çəkir, dövlət idarəçiliyində qeyri-sabitlik hökm sürürdü. Azərbaycan böyük təhlükə qarşısında idi “Mən böyük təhlükə qarşısında olan Azərbaycanı görürdüm…” – Heydər Əliyev belə bir vəziyyəti təsvir edirdi.
O dövrdə Azərbaycanın müstəqilliyinə həm daxili, həm də xarici təhdidlər mövcud idi. Ermənistanın Azərbaycana qarşı təcavüzü, Qarabağ müharibəsi, daxildə siyasi çəkişmələr və çevriliş cəhdləri ölkəni parçalanma təhlükəsinə gətirmişdi. Dövlətin mövcudluğu ciddi sual altında idi. Nüfuzlu siyasi liderə ehtiyac duyulurdu Belə bir vəziyyətdə ölkəni birləşdirəcək, xalqı sabitliyə aparacaq güclü və nüfuzlu liderə ehtiyac yaranmışdı.
Cəmiyyət artıq qeyri-sabitlikdən yorulmuşdu və sabitlik, təhlükəsizlik və inkişaf istəyirdi. Bu ehtiyac yeni siyasi mərhələnin başlanğıcını hazırladı. Heydər Əliyevin dövlətçilik mövqeyi və andı “Mənə bu gün böyük etimad göstərdiyinə görə…” – Heydər Əliyev bu sözləri ilə xalq qarşısında məsuliyyətini ifadə etmişdir. O, Azərbaycanın dövlət müstəqilliyini qorumağı, möhkəmləndirməyi və inkişaf etdirməyi əsas vəzifə kimi qəbul edirdi. Onun çıxışları ölkənin gələcəyinə böyük inam və məsuliyyət hissini əks etdirirdi. O, ömrünü Azərbaycanın inkişafına həsr edəcəyini bəyan etmişdi.
Ulu Öndər hər zaman andına sadiq olub Heydər Əliyev verdiyi bütün sözlərə sadiq qalan lider kimi tarixə düşmüşdür. Onun siyasi fəaliyyəti yalnız sözlərlə deyil, real nəticələrlə sübut olunmuşdur. Dövlətin möhkəmləndirilməsi, sabitliyin təmin olunması və inkişaf strategiyasının formalaşdırılması onun fəaliyyəti ilə bağlıdır. Həmrəylik simvolu Heydər Əliyev Azərbaycan xalqının birliyini və həmrəyliyini gücləndirən əsas simvola çevrilmişdir. Onun siyasəti xalqı parçalanmadan qorumuş, milli birliyi möhkəmləndirmişdir. Həmrəylik ideyası dövlət siyasətinin əsas istiqamətlərindən birinə çevrilmişdir.
Qurtuluşun rəmzləri Ulu Öndərin hakimiyyətə qayıdışı ilə ölkədə mühüm dəyişikliklər baş verdi: Qanunsuz silahlı qruplaşmaların dövlət çevrilişi cəhdlərinə son qoyuldu. İlk parlament seçkiləri keçirildi və referendum yolu ilə Konstitusiya qəbul edildi. Azərbaycanın beynəlxalq əlaqələri genişləndi, dünya birliyinə inteqrasiya prosesi başladı. Siyasi islahatlara start verildi və çoxpartiyalı sistem formalaşdı. Bu addımlar Azərbaycanın dövlət kimi möhkəmlənməsinin əsasını qoydu.
Tarixi Qələbəyə aparan yol Azərbaycanın müstəqillik yolunda atdığı addımlar sonradan böyük tarixi qələbələrə gətirib çıxardı. Sabitlik, iqtisadi inkişaf, ordu quruculuğu və beynəlxalq mövqelərin güclənməsi bu yolun əsas mərhələləri oldu. Dövlətçilik ənənələrinin formalaşması gələcək uğurların təməlini qoydu. Azərbaycanın müstəqillik tarixi çətin, lakin şərəfli bir yoldur. Bu yolda Heydər Əliyevin rolu əvəzsizdir. O, ölkəni parçalanmadan xilas etmiş, sabitlik və inkişaf yoluna çıxarmışdır. Bu gün Azərbaycan güclü dövlət kimi mövcuddursa, bu, həmin tarixi qərarların və liderliyin nəticəsidir.
Milli Qurtuluş Günü və Azərbaycanın İnkişaf Yolu Milli Qurtuluş Günü Azərbaycan tarixində dönüş nöqtəsi idi. Bu gün ölkənin gələcək taleyini dəyişən, dövlətin dağılmaq təhlükəsindən xilas olduğu mühüm bir mərhələ kimi yadda qalmışdır. Bu tarixi hadisə Azərbaycan dövlətçiliyinin möhkəmlənməsində əsas rol oynamışdır.
“Danılmaz həqiqətdir ki, Azərbaycanın müasir və müstəqil dövlət kimi mövcudluğu, inkişafı XX əsrdə ikinci dəfə qazandığımız müstəqilliyin ilk illərinə təsadüf edən Milli Qurtuluş Günü ilə əlaqədardır. Qurtuluş Günü Azərbaycan tarixində dönüş nöqtəsi idi” – deyə Prezident İlham Əliyev bildirmişdir. Bu sözlər Milli Qurtuluş Gününün təkcə bir tarix olmadığını, həm də dövlətin inkişaf yolunun başlanğıcı olduğunu sübut edir. Bakı iqtisadi rayonu üzrə inkişaf və dəyişikliklər Milli Qurtuluş Günündən sonra Azərbaycanın bütün bölgələrində olduğu kimi, Bakı iqtisadi rayonunda da mühüm inkişaf prosesi başladı.
Bakı şəhəri və onun rayonları — Yasamal, Binəqədi, Nərimanov, Xəzər, Qaradağ, Xətai, Sabunçu, Nizami, Səbail, Suraxanı, Nəsimi və Pirallahı — sürətli şəkildə yenidən qurulmağa və inkişaf etməyə başladı. Bu ərazilərdə yeni yollar salındı, sosial infrastruktur gücləndirildi, iqtisadi layihələr həyata keçirildi və şəhərin ümumi inkişaf səviyyəsi yüksəldi. Bakı ölkənin əsas iqtisadi və mədəni mərkəzinə çevrildi.
Naxçıvan iqtisadi rayonunun inkişafı Naxçıvan iqtisadi rayonu üzrə də böyük dəyişikliklər baş verdi. Naxçıvan şəhəri, Şərur, Babək, Ordubad, Culfa, Kəngərli, Şahbuz və Sədərək rayonlarında sosial və iqtisadi inkişaf sürətləndi. Bu bölgədə infrastruktur yeniləndi, kənd təsərrüfatı və sənaye sahələri gücləndirildi, əhalinin həyat səviyyəsi yüksəldi. Naxçıvan sabit və inkişaf edən bir regiona çevrildi. Milli Qurtuluş Günü Azərbaycanın müstəqil dövlət kimi möhkəmlənməsinin əsasını qoydu. İlham Əliyev tərəfindən də qeyd olunduğu kimi, bu gün ölkənin inkişaf yolunda dönüş nöqtəsi olmuşdur. Bu mərhələdən sonra həm Bakı, həm də Naxçıvan iqtisadi rayonlarında böyük inkişaf baş verdi və Azərbaycan daha güclü, sabit və müasir dövlətə çevrildi.
