YAP Suraxanı rayon təşkilatının ərazi partiya təşkilatında seçki iclası keçirilmişdir
Yeni Azərbaycan Partiyası Suraxanı rayon təşkilatının Qaraçuxur qəsəbəsi Yeni Günəşli “D” yaşayış sahəsi Abbas Fətullayev küçəsi 29 A ünvanında yerləşən ərazi partiya təşkilatının üzvlərinin iştirakı ilə toplantı keçirilmişdir. YAP üzvləri ilə görüşdə YAP Suraxanı rayon təşkilatının sədr müavini Salman Əbdülov iştirak etmişdir.
İclasa sədrlik edən 2 nömrəli Uşaq Reabilitasiya Mərkəzinin direktoru Şaban Şaban Eyvazov YAP üzvlərini salamlayaraq iclası açıq elan etdikdən sonra ərazi partiya təşkilatının gündəliyində 1 məsələnin - ƏPT-nin sədr müavini seçkisi haqqında məlumat verdi. Ş.Eyvazov tərəfindən sədr müavini vəzifəsinə Nuriyeva Nuranə İsmayıl qızının namizədliyi irəli sürülmüş və səsvermə nəticəsində N.Nuriyeva sədr müavini seçilmişdir.
ƏPT sədri Lalə Qafarova yeni seçilmiş sədr müavini N.Nuriyevanın çox gənc yaşlarından YAP üzvü olduğunu, peşə fəaliyyəti ilə bərabər ictimai işlərdə də fəallığını diqqətə çatdıraraq, təmsil olunduqları qurumda bundan sonra da partiya fəaliyyətinin daha da səmərəli aparılacağını, YAP üzvlərinin sayının artırılması üçün düzgün təbliğat işinin aparılmasını vurğuladı.
YAP Suraxanı rayon təşkilatının sədr müavini Salman Əbdülov çıxış edərək ƏPT-nin yeni seçilmiş sədr müavini təbrik etmiş, partiya üzvlərinə gələcək fəaliyyətlərində uğurlar arzulayaraq demişdir ki, Qaraçuxur qəsəbəsi Yeni Günəşli “D” yaşayış sahəsi Abbas Fətullayev küçəsi 29 A ünvanında yerləşən ərazi partiya təşkilatında partiya işinin təşkili qənaətbəxşdir. Bundan sonra da ideoloji işin gücləndirilməsi, səmərəliliyinin artırılması və üzvlərin uçotunun operativliyi, dəqiqliyi diqqət mərkəzində saxlanılmalıdır. Yerli təşkilatın sədr müavini ölkədə baş verən ictimai-siyasi hadisələrə də münasibət bildirərək qeyd etmişdir ki, hər bir vətəndaş öz peşə fəaliyyəti ilə yanaşı ictimai fəaliyyətlə də yaxından məşğul olmalı, dövlətinə, xalqına töhfələr vermək üçün çalışmalıdır.
Daha sonra ƏPT üzvləri tərəfindən verilən suallar cavablandırılmışdır.
