YAP Suraxanı rayon təşkilatının ərazi partiya təşkilatında seçki iclası keçirilib

Yeni Azərbaycan Partiyası Suraxanı rayon təşkilatının Yeni Suraxanı qəsəbəsi Z.Tağıyev  küçəsi 18 ünvanında yerləşən ərazi partiya təşkilatında yerli təşkilatın sədr müavini Salman Əbdülovun iştirakı ilə iclas keçirilmişdir.

İclasın sədri Xəyalə Əzizova YAP üzvlərini salamlayaraq iclası açıq elan etdikdən sonra bildirmişdir ki, bugünkü iclasın gündəliyində bir məsələ - ƏPT-nin sədrinin seçilməsi məsələsi nəzərdə tutulmuşdur.
ƏPT-nin sədr müavini Elnarə Abidova çıxış edərək sədr vəzifəsinə Xəyalə Zahir qızı Əzizovanın namizədliyi irəli sürdü və bu təklifə səsvermə ilə münasibət bildirilməsi xahiş etdi. ƏPT-də təmsil olunan üzvlərin səsverməsi nəticəsində Xəyalə Əzizova sədr seçilmişdir.

Yeni Azərbaycan Partiyası Suraxanı rayon təşkilatının sədr müavini Salman Əbdülov çıxış edərək bildirmişdir ki, Yeni Suraxanı qəsəbəsi Z.Tağıyev 18 ünvanında yerləşən ərazi partiya təşkilatında partiya işinin təşkili qənaətbəxşdir. Bundan sonra da ideoloji işin gücləndirilməsi, səmərəliliyinin artırılması və üzvlərin uçot qeydiyyatlarının operativliyi, dəqiqliyi diqqət mərkəzində saxlanılmalıdır.

Sonda ƏPT üzvləri tərəfindən verilən suallar cavablandırıldıqdan sonra YAP-a daxil olan bir qrup partiya üzvünə vəsiqələr təqdim olunmuşdur.