YAP Suraxanı rayon təşkilatının sədri Vüqar Seyidovun iştirakı ilə ərazi partiya təşkilatında təmsil olunan üzvlərlə görüş keçirilmişdir
Yeni Azərbaycan Partiyası Suraxanı rayon təşkilatının Hövsan qəsəbəsi Məktəb küçəsi 24 A ünvanında yerləşən ərazi partiya təşkilatında YAP Suraxanı rayon təşkilatının sədri Vüqar Seyidovun, sədr müavini Salman Əbdülovun, ƏPT-nin sədri Nizaməddin Ağcayevin və digər üzvlərin iştirakı ilə YAP-ın Mərkəzi Aparatının təlimatları, yeni üzvlərin qəbulu, üzvlük haqlarının vaxtında ödənilməsinin təmin edilməsi, qeydiyyat-uçotun səmərəli aparılması, ideoloji işin məqsədyönlü qurulması, sosial şəbəkələrdə və dövrü mətbuatda partiya üzvlərinin fəallıqlarının artırılması ilə bağlı görüş keçirilmişdir. Görüşdə eyni zamanda da Hövsan qəsəbəsində 203 saylı uşaq bağçasının YAP üzvləri də iştirak etmişlər.
Ərazi partiya təşkilatının sədri Nizaməddin Ağcayev YAP üzvlərini salamlayaraq tədbiri açıq elan etdikdən sonra ƏPT-də son dövrlərdə görülən işlər haqqında ətraflı məlumat vermişdir. Geniş nitq ilə çıxış etmişdir.
Ərazi partiya təşkilatının sədr müavini Mətanət Qarayeva çıxış edərək bildirdi ki, ƏPT-də statistika, uçot, qeydiyyatların vəziyyəti və təkmilləşdirilməsi işinə xüsusi diqqət yetirilir. ƏPT-nin üzvlərinin üzvlük haqlarının ödənilməsi işinin təmin edilməsi, Partiya sıralarına qəbul olunmaq istəyənlərlə fərdi söhbətlərin aparılması, onların partiyanın nizamnaməsi və proqramı ilə tanış edilməsi gündəlik fəaliyyətin əsas istiqamətləridir.
Hövsan qəsəbəsi Məktəb küçəsi 24 A ünvanında yerləşən ərazi partiya təşkilatında təmsil olunan üzv Qasımova Ayşad çıxış edərək demişdir ki, Azərbaycan cəmiyyətində baş verən hadisələrə, ictimai-siyasi proseslərə hər bir YAP üzvü öz vətəndaş mövqeyini bildirməli və dövlətçiliyimizi müdafiə etməlidir.
ƏPT-nin gənc üzvü Məmmədli Güllər çıxış edərək xüsusi qeyd etmişdir ki, YAP üzvü olmaqdan fəxarət hissi duymaqdadır. Lalə Məmmədova vurğulamışdır ki, YAP Suraxanı rayon təşkilatı tərəfindən təşkil olunan tədbirlər, layihələr, təlimlər rayon gənclərinin özlərini formalaşdırmasında böyük əhəmiyyətə malikdir
Yeni Azərbaycan Partiyası Suraxanı rayon təşkilatının sədri Vüqar Seyidov təşkilatının Hövsan qəsəbəsi Məktəb küçəsi 24 A yerləşən ərazi partiya təşkilatının üzvləri qarşısında ƏPT-lərdə ideoloji işin gücləndirilməsi, səmərəliliyinin artırılması ilə əlaqədar təsdiq olunmuş tədbirlər planının icrasının təmin olunması, Ulu Öndər Heydər Əliyev siyasi irsinin öyrənilməsi, onun dövlətçilik ənənələrinin təbliği, Azərbaycan Respublikasının Prezidenti, YAP-ın sədri cənab İlham Əliyevin fəaliyyətinin əhaliyə operativ, düzgün və əhatəli formada çatdırılmasının təşkili, YAP Suraxanı rayon təşkilatının maliyyə - uçot işinin təkmilləşdirilməsi, YAP Suraxanı rayon təşkilatının fəallarının dövrü mətbuatda və sosial şəbəkələrdə aktivliklərinin artırılması, təbliğat işinin gücləndirilməsi, ƏPT-lərdə üzvlərin, xüsusilə gənclərin fəallıqlarının artırılması, onların keçirilən tədbirlərdə iştiraklarının təmin olunması barədə ətraflı çıxış edərək öz tapşırıq və tövsiyyələrini görüş iştirakçılarının diqqətinə çatdırdı.
